________________
Shri Mahavir Jain Aradhana Kendra
४५ महा
www.kobatirth.org
Acharya Shri Kailassagarsuri Gyanmandir
कुत्तियावणाओ रयहरणं पडिग्गहं च एगमेगलक्खेण आणेह, एगलक्वप्पयाणेण कासवगं च सद्दाह, एवमाणत्ते निग्गया पुरिसा रवहरणं पडिग्गहं कासवगं च घेत्तृण पडिनियत्ता, सो य कासवो जमालिपियरं पण मिऊण एवं भणिउं पवत्तो- देव ! संदिसह जं मए करणिजं, तेण जंपियं-भद्द ! जमालिस्त कुमारस्स परेणं जत्तेणं चउरंगुलव जे निक्खमणपाओग्गे अग्गकेसे कप्पेहि, तओ सो कासवओ सुरभिगंधोदएण करचलणे पक्खालिऊण अट्ठगुणाए पोत्तीए वयणं संजमिऊण जहुत्तेण विहिणा केसे कप्पिउमारद्धो, जणणीवि से अणवरयं कज्जलमलिणारं अंसुयाई मुयंती भुयगनिम्मोयनिम्मलेण उत्तरिजेण केसकलावं पडिच्छइ, तयणंतरं च सुरभिवारिणा पक्खालिऊण हरियंदसविलेवणपुप्फेहिं अचेर, पंडुरवत्थंमि बंधिऊण रयणकरंडग़मि पक्खिवर, सोगभरगग्गर गिरं च रुपमाणी एवं भणइ - पत्तो मए मंदपुण्णाए जण्णेसु ऊसवेसु य वढीसु य इमेहिं पुत्तो जमाली सुमरणिज्जोत्ति, एवं च अभि क्खणं जंपमाणी तं रयणकरंडगं नियसयणिजस्स ऊसीसगमूले ठवेइ, अह निवत्तियमजणमहूसवो परिहियामलदुगुल्लो हेममयमउडमणिकणयकडय कुंडलालंकियसरीरो बन्छत्थलरिखोलिंतविमलमुत्ताकलाव सोहिल्लो विविहाभरण| पहाभर विच्छुरियनहंगणाभोगो तक्कालमिलियबिलयासमूहकीरंत मंगलायारो दाणानंदियमग्गणगिजंतुद्दामगुणनिवहो खंभसयसंनिविद्धं समीरंबुयधव लघयवडसणाहं सुविचित्तचित्तरम्मं अणेगजणजणिय परितोसं सुइनेवत्थधराणं छेयाणं पवरनरजुवाणाणं सहस्सेणं उक्खित्तं झडत्ति सिवियं समारूढो, रयहरणपडिग्गधारिणीए दाहिणदिसिं
For Private and Personal Use Only
