________________
Shri Mahavir Jain Aradhana Kendra
श्रीगुणचंद महावीरच ० ८ प्रस्तावः
॥ २६२ ॥
www.kobatirth.org
Acharya Shri Kailassagarsuri Gyanmandir
भय! तुम जह मज्झ देसिओ मोक्खसोक्खदाणखमो । धम्मो तह नो केणवि अन्नेणं निउणमइणावि १ ॥ १॥ मन्ने पुचभवेसुं बाढं समुवज्जियं मए पुन्नं । तेण जयनाह ! तुमए सद्धिं मह दंसणं जायं ॥ २ ॥
ताजा अम्मापि पुच्छामि ताव तुब्भं समीवे सफलीकरेमि पत्रजापरिग्गहेण नियजीवियं, भयवयावि भणियं-बहुविग्घाई धम्मकजाई मा पडिवंधं कुणसुत्ति, तओ जमाली कुमारो जयगुरुं वंदिऊण संदणारूढो गओ सगिहं, पत्थावेण य अम्मापिऊण पाए पणमिऊण भणिउमारद्धो-हंहो अम्मताया ! अज्ज मए भयवओ महावीरस्स अंतिए धम्मो निसामिओ, सो य अमयंपिव अभिरुइओत्ति, अम्मापिऊहिं भणियं धन्नो कयलक्खणो उवलद्धजम्मजीवियफलोऽसि तुमं, नहु अकयपुन्नाण कइयावि सवणगोयरमुवगच्छइ जिणिदवयणं, जमालिणा संलतंअम्मताया ! तदायन्नणाणंतरमेव संसारभउद्विग्गो भीओऽहं जम्मणमरणाणं ता इच्छामि तुम्भेहिं समणुण्णाओ समाणो समणभावं पडिवजिउं । इमं च अस्सुयपुत्रं निसामिऊण जमालिस्स जणणी तक्खणुप्पन्न संताव वसविसप्पमाणसेयसलिला सोगभरवेविरंगी पयंडमायंगकराहयकुमुयं व मिलाणलायन्नं वयणमुद्दती तक्खणकिसीभूयबाहुवलरीगलंतकणयवलया धरणिवट्ठप-भट्ठउत्तरिल्ला विकण्णके सहत्था सिढिलसंधिबंधणा मुच्छावसनद्वचेयणा सत्ति को ट्टिमतलंमि निवडिया, अह ससंगमपधाविएण परियणेण निम्मलसलिलसीयरसंवलिएण तालियंटपवणेण आसासिया समागी सुचिरं विलविऊण विमुकदीहनीसासा जमालिं भणिउं पवत्ता-अहो वच्छ ! अम्हाणं तुम
For Private and Personal Use Only
जमालेबों
घः मातुच्छी.
॥ २६२ ॥
