________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
SUREAUCRACHAN
चेव एगो पुत्तो संमओ पिओ हिययनंदणो रयणकरंडगसमाणो ओवइयसमुवलद्धो, ता नो खलु बच्छ! अम्हे इच्छामो तुम्ह खणमेत्तमवि विओगं, किमंग पवजाणुमन्नणं?, अओ अच्छसु ताव जाव अम्हे जीवामो, कालगएहिं पुण परिणयवओ वढियकुलसंतई निविनकामभोगो पवजेजासि, जमालिणा भणियं-अम्मा! एत्थ खलु माणुसए। भवे अणेगसारीरमाणसरोगसोगजरामरणपमुहोवदवसंपगाढे असासए जलबुब्बुयसमाणे सरयगिरिसिहरसरंतसरियातरंगभंगुरे को एवं जाणइ-के पुचिं मरणधम्माणो के वा पच्छा मरणधम्माणोत्ति, किं च
जइ नाम मुणिज इमंपि कोइ ता किं न होज पजत्तं ? । किं तु अयंडेवि अखंडियागमो पडइ जमदंडो ॥१॥ किंतु-कस्स न हरंति हिययं विसया ? नो कस्स वल्लहा सुयणा ? । किंतु खरपयणपहयं किसलयमिव भंगुरं जीयं ॥२॥
एत्तो चिय दुजणमाणसं व मोत्तूण रजरहाई। धीरा दुरणुचरंपि हु संजममग्गं समणुलग्गा ॥३॥ ता मोहपसरमुच्छिदिऊण गयमो(अणुमण्ण)धम्मकरणत्थं । किं वलहं निरंभइ कोवि हु जलणाउले गेहे ? ॥४॥ एवं च भणिए अम्मापिऊहिं कहियं-पुत्त! इमं तुह सरीरं विसिट्ठलक्खणवंजणगुणोववेयं उत्तमबलवीरियसत्तजुत्तं उदग्गसोहग्गसंगयं समग्गरोगरहियं निरुवहयलट्ठपंचिंदियं पढमजोवणगुणाणुगयं, अओ कहं दुरणुचरं संजमं काउं पारिही?, जेण
मत्तकरिरायदढचलणचंपणं सहइ नेव कमलवणं । उवरमसु पुत्त ! दुकरसंजमकरणाउ तेण तुमं ॥१॥
AAAAAAAAAAAAA
For Private and Personal Use Only
