________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
GAMACROCALSACSAGE
पमिलाणलायन्नत्तणेण मुणिजइ ससलंब, इमं च निसुणिऊण असगजिणपक्खवायकलिएण ससंभमं भणियं सिद्धत्थेण-भो विज! जइ एवं ता निउणं निरूवेहि, कहिं ससल्लो एस जयगुरू?, एवं वुत्ते वेजेण अइसुप्पणिहिएण| सणियं सणियं पलोयमाणेण जिणतणुं दिढे कन्नविवरंतरनिहितं काससलियाजुयलं, दंसियं च सिद्धवणिणो, तं च तारिसमवलोइऊण जंपियं सिद्धत्थेण-अहो कस्सइ पावकारिणो अचंतनिकरुणं विलसियं, जं एवंविहं कम्ममायरंतेण न गणिओ दोग्गइनिवडणतिक्खासंखदुक्खागमो न पेहियं आकालियमजसं न चिंतियं धम्मविरुद्धं, अहवा, किमेएण दुट्टचेट्ठियविकत्थणेण ?, भो वेज ! साहेसु को संपयं उवाओ जेण एवं सलमवणिजइ ? । अन्नं च
सल्लेण जएकपहुस्स कन्नविवरंतरं उवगएण । अणवरयं मह हिययं भिजइ एत्तो महाभाग! ॥१॥ अलियं उल्लवइ जणो जस्स वणो वेयणा हवइ तस्स । जं सामिणा ससल्लेण दुक्खिोऽहं दढं जाओ ॥२॥ परमत्थेण इमो चिय जीयं माया पिया य सयणो य । नाहो सरणं ताणं ता एत्तो किं परं परमं? ॥३॥ इय एयस्स निमित्ते धणं च धन्नं च दबनिचयं च । मम जीवियंपि चइऊण कुणसु भो सलउद्धरणं ॥ ४ ॥ उद्धरिए एयंमि तु तुमए भवभीमकूवगाहिंतो । उद्धरिओ परमत्थेण विज! निस्संसयं अप्पा ॥५॥ नीसेसगुणनिहाणे इमंमि उवजुंजिऊण नियविजं । आसंसारं सुंदर! आसीसाभायणं होसु ॥६॥ इयरंमिवि उवयारो कीरंतो जणइ निम्मलं कित्तिं । किं पुण तइलोक्कदिवायरंमि सिरिवीयरागंमि ? ॥ ७॥
For Private and Personal Use Only
