________________
Shri Mahavir Jain Aradhana Kendra
www.kcbatrth.org
Acharya Shri Kailassagarsur Gyanmandir
CACA
झडत्ति आसणाओ, नीणिया परमायरेण भिक्खा, भयपि निग्गओ गेहाओ, सुनंदावि अदिई काउमारद्धा, ताहे दासीहिं भणियं-सामिणि ! एस देवजओ न मुणिज्जइ केणइ कारणेणं दिणे दिणे अगहियभिक्खो तक्खणे पडिनियत्तइ, एवं भणिए तीए नायं, जहा-नृणं कोइ अभिग्गहविसेसो, तेण तंमि असंपजमाणे अकयकजो चेव निजाइ जिणिंदो, इमं च से चिंतयंतीए जाओ बाढं चित्तसंतावो पम्हुट्टा गेहवावारा विसुमरिओ सरीरसिंगारो पल्हत्थियं
करकिसलए गंडयलं, एत्यंतरे समागओ सुगुत्तामचो, पलोइया य एसा तेण, तओ पुच्छिया, जहा-कमलमुहि! ६ कीस निक्कारणं रणरणयमुवहतिव लक्खिजसि ?, न ताव सुमरेमि मणागपि अत्तणो अवराह, मइ अविणयपरिहारपरायणे परयणोऽवि न संभाविजइ तुह पडिकूलकारित्ति, तीए भणियं-पाणनाह! अलमलियसंभावणार्डि, नत्थि थेवमेत्तोऽवि कस्सइ अवराहो, केवलं जस्सप्पभावेण लीलाए लंपिजइ दुग्गमोवि भवन्नवो मणोरहागोयरंपि पाविजइ अपुणागमं सिवपयं अइदूरुलसिओऽवि विद्दविजइ अकल्लाणकोसो तस्स भयवओ भुवणनाहस्स बद्धमा-2 णसामिणो बहूई वासराई अणसियस्स, न मुणिजइ कोइ अभिग्गहविसेसो अणेण गहिओत्ति, अओ किं तुम्ह बुद्धीविभवेण? किंवा अमञ्चत्तणेणं ? जइ एवं अभिग्गहं न जाणहत्ति, अमच्चेण भणियं-पिए! परिचयसु संतावं, कले तहा करेमि जहा एस अभिग्गहो मुणिजइ, इय एयाए कहाए वट्टमाणीए विजया नाम पडिहारी मिगावईए| देवीए संतिया, सा केणइ कारणेण आगया, तमुल्लावं सोऊण मिगावईए सवं परिकहेइ, इमं च सोचा मिगावईवि
For Private and Personal Use Only
