________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
AA
विउविया घणावली, जायं सलिलवरिसं,समासासिओ तिलयंत्रओ, तेण पएसेण वेगेण आगच्छमाणीए गावीए खुरेण चंपिय मूलविभागो पविट्ठो जलसेयसुकुमारे धरणिवढे, जाओ दढपइट्ठाणो, कमेण परूडाई मूलाई, उम्मीलियाई कंदलाई, पयट्टो फुल्लिउंति । भयवं पुण कुम्मारगामनगर संपत्तो, तस्स बाहिं सूरमंडलस्सुवरिं निहियदिट्ठी उद्धीकयभुयपरिहो दीहरजडाकडप्पो पयइविणीओ पयइपसमपरो पयइदयादक्खिण्णाणुगओ समारद्धसद्धम्मज्झाण वि-12 |हाणो वेसियायणो नाम लोइयतवस्सी ममंदिणसमयंसि आयावेइ । तस्स य उप्पत्ती भन्नइ१. मगहाविसए धणधनसमिद्धलोयकलिए गोबरगामे आभीरलोयाणं अहिवई गोसंखीनाम कुडंविओ, बंधुमई नाम से भज्जा, सा य अवियाउरी, ताणि य परोप्परं दढसिणेहाणुरायाणि विसयसुहमणुहवंताणि कालं वोलेंति, इओ य तस्स गामस्स अदूरे खेडयं नाम संनिवेसो, तत्थ य अविगप्पिया सन्नद्धबद्धकवया पउरपहरणसणाहा मिलेच्छाण धाडी पडिया, तीए व सो गामो निवाडियारक्खिगजणो लुटियधणधनकंसदूसो विणिहयपहरणहत्यसुहंडसत्यो | कओ, तओ वंदिग्गहेण लोगं गहिऊण पट्टिया सहाणं, एगा य गामइत्थिया तबेलं पसूया पइंमि मारिए करकलियबालया सुरूवत्तिकाऊण चालिया चोरोहि, सा य चेडवावडकरतणेण न पारेइ सिग्धगईए समागंतुं, तओ तेहि | सरोसं भणिया-भद्दे । परिचयसु सुयं जब चिरजीवियत्थिणी, इमं च सुणिऊण अइगरुययाए मरणमयस्स परिचत्तो | तीए सुओ तरुच्छामाएं, गया य चोरोह समं, सो य गोसंखिओ गोस्वाइं घेत्तूण पहायसमए समागओ त पएस,
AAACAR
For Private and Personal Use Only
