________________
Shri Mahavir Jain Aradhana Kendra
www.kobatirth.org
किं भवभएण अहवा भूयपिसायाइछलणदो सेण । धाउविवजासेण व कूरग्गहपीडयेणं वा ? ॥ २५ ॥ गुरुणा भणियं नरवर ! मा संकसु कारणाई एयाई । दढपुचभवावज्जियमेगं कम्मं विमोत्तूण ॥ २६ ॥ संजोगविओगुप्पायपलय सुहदुक्खपमुह किरियासु । सङ्घावस्थासुंपिय पभवइ कम्मं चिय जणस्स ॥ २७ ॥ रण्णा भणियं भयवं ! किं पुण एएण पुवजम्मंमि । पकयं कम्म ? साहह महंतमिह कोउगं मज्झ ॥ २८ ॥
Acharya Shri Kailassagarsuri Gyanmandir
सूरिणा पvिi - महाराय ! एस तुज्झ पुत्तो पुवभवे संखपुरंमि नयरे रूवलायन्नसोहग्गाइगुणसंगओ चारुदत्तो नाम वणियसुओ आसि, तेवि एगया निकारणकुवियाए भज्जाए दुधयणेहिं तजिएण सरोसं पयंपियं-आ पावे ! तहा काहं जहा सदुक्खं जीवसि, तीए बुत्तं-जं तुह पिउणो पडिहाइ तं करेज्जासि, तओ सो एगेण नम्मसचिवेण सद्धिं कन्नगंतरपरिणयणत्थं पयट्टो गंतुं दक्खिणदिसाए, अविलंवियपयाणएहिं वचतो पवररामारयणनिहाणभूयाए पत्तो कंचीपुरीए, तहिं च पविसमाणेण दिट्ठाई परोप्परं कीलंताई डिंभाई, तेसिं च एगेण डिंभेण सुरहिमालद्दमाला अन्नस्स डिंभस्स कंठे पक्खिविउमारद्धा अन्नस्स निवडिया, तं च दट्टूण चिंतियं चारुदत्तेण - अहो सोहणी सउणो, परं दूरवगमो, जओ एसा कुसुममाला अन्नत्थ पक्खिविउमारद्धा अन्नत्थ निवडिया, अहवा किमणेण ?, चिंतियत्थसंपत्तीए सयं चैव होही एयावगमोत्ति विभाविऊण पविट्ठो सयणवग्गगेहंमि, कओ तेण ण्हाणविलेवण भोवणप्पयाणप्पमुहो से य वावारो, ठिओ ये कइवय वासराई, पत्थावे य सयणवग्गस्स सिट्रुमणेण निययप्पओयणं, पडि
For Private and Personal Use Only
