________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद महावीरच० ६ प्रस्तावः
बीमेलकपूर्वभवाः सूरसेनचरित्रं.
॥१९९॥
ALSANGALORECAUSAMSUCCCCCESSASS
एवं सोचा विम्हवियमाणसो तक्खणेण नरनाहो । उजाणस्साभिमुहं वच्चइ कोऊहलाउलिओ ॥ १२॥ ता दूराओचिय करिबराउ ओयरिय परमभत्तीए । वंदित्ता मुणिनाहं निसीयए धरणिवटुंमि ॥ १३ ॥ सूरीवि जोग्गयं से पलोइ दिवनाणनयणेण । गंभीराऍ गिराए एवं भणि समाढत्तो ॥१४॥ भो नरवर! संसारे पढम चिय दुलहो मणुयलंभो । तत्थवि य निरुवयरिया कुलरूवारोग्गसामग्गी ॥ १५॥ तीएवि पवरकरितुरयजोहरहनिवहभूरिभंडारं । भयवसनमंतसामंतमंडलं नरवइत्तंपि ॥ १६ ॥ तत्थवि सत्थत्थवियक्खणहिं अचंतभवविरत्तेहिं । कुसलेहि समं गोही दुलभा थेवमेतंपि ॥१७॥ एयं च तए सयलं संपत्तं पुन्नपगरिसवसेणं । ता एत्तो सविसेसं पाणवहाईण वेरमणे ॥ १८ ॥ नयसेवणंमि सुगुणजणंमि करुणाय दुत्थियजणाणं । धम्मत्थविरुद्धविवजणे य परलोयचिंताए ॥ १९॥ भंगुरभवभावविभावणंमि वेसइयसुहविरागंमि । तुम्हारिसेण नरवर! पयट्टियचं मणो निचं ॥२०॥ इय गुरुणा उवइढे नरनाहो पुरजणो य हिट्ठमणो । सवं तहत्ति पडिसुणिय पट्टिओ नियगिहाभिमुहं ॥२१॥ नवरं भूमीनाहो गंतुं थोवंतरं पडिनियत्तो । पुषभणियस्स पुत्तस्स वइयरं पुच्छिउं सहसा ॥ २२॥ ता एगते ठाउं बंदिय सूरि पयंपए एवं । भयवं! अगोयरं नत्थि किंपि तुह नाणपसरस्स ॥ २३॥ ता कहसु मज्झ पुत्तो भणिजमाणोवि विविहहेऊहिं । किं कारणं न वंछइ सोउं परिणयणनामंपि? ॥ २४ ॥
॥१९९॥
For Private and Personal Use Only
