________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ACREAUCRACCASA
एरिसं तं पेच्छिऊणमचंतमाउलमाणसो अणेगेसि मंततंताइजाणगाणं एयवइयरं परिकहेइ, ते य करेंति विविहे उवाए, न य जायइ कहिंपि कुमारस्स भावपरावत्ती।
अह अवरवासरंमी बाहिं नगरस्स करिवरारूढो । सह परियणेण राया नीहरिओ रायवाडीए ॥१॥ विविहपएसेसु खणं परिभमिउं वाहिउं च करितुरगे। पच्छाहुत्तं इंतो पेच्छइ नयरीजणं सयलं ॥२॥ रहतुरगजाणसिबिगापयप्पयारेण सिग्घवेगेण । कयसुंदरनेवत्थं वचंत काणणाभिमुहं ॥३॥ तं पेच्छिऊण रण्णा पयंपियं रे किमेस पउरजणो। परिमुक्कावरकज्जो वच्चइ एगेण मग्गेण ॥४॥ नो अज जेण कस्सवि महूसवो देवयाविसेसस्स । नडपेच्छणयाईयं कोउगमवि दीसइ न किंपि ॥५॥ अह परियणेण भणियं तुम्भे नो मुणह देव ! किं एयं । एत्थ समोसरिओ सूरी सूरप्पहो नाम? ॥६॥ जो तीयाणागयवत्थुविसयसंदेहतिमिरहरणेणं । पुहईए पत्तकित्ती जहत्थनामेण परमप्पा ॥७॥ जस्स पयपउमधूलीफासेणविवि विहरोगकलियावि । जायंति तक्खणं चिय मयरद्धयसन्निमा पुरिसा ॥८॥ जस्सेस दंसणेणवि समत्थतित्योहपूयसलिलं व । विद्धंसियपावरयं पाणिगणो गणइ अप्पाणं ॥९॥ जे पिउणोऽवि पणामं कुवंति न दुबहेण गवेण । जस्संहिनक्खकिरणा ताणवि सिरसेहरीभूया ॥१०॥ सूरिस्स तस्स पयवंदणत्यमेसो पुरीजणो जाइ । तुम्हंपि देव! जुत्तं पयपंकयदंसणमिमस्स ॥ ११ ॥
NCRECRUAAAAAAबाद
३४ महा.
For Private and Personal Use Only
