________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद महावीरच० ६ प्रस्तावः
मंगलावर्तग्रामयोः गोशालकीयं डिंभमापनं
॥१९४॥
SACSCRESCRECORE
एत्तियदिणाई समसोक्खदोक्खसहणेवि नेव पडिबंधो। किं उप्पन्नो तुम्हं ? अहो सिलानिदरं हिययं ॥ ८॥ सिद्धत्थेणं भणियं-कि रूससि निन्निमित्तमम्हाणं? | अप्पाणमप्पणचिय दोसकरं भो निरंभेसु ॥९॥ अह उस्सग्गं पाराविऊण सामी तओऽवि निक्खमिउं । आवत्तनामगामे बलदेवगिहे ठिओ पडिमं ॥१०॥ तत्थवि कलहिकरुई गोसालो दारिएकवयणेण । पुवाणत्थं विसमरिऊण डिभाई भेसेइ ॥११॥ रुयमाणाई ताई गंतुं मायापिऊण साहिति । तेहि पुणोवि हणिजइ गोसालो पुवनाएणं ॥ १२ ॥ गामपहाणजणेणं भणियं किं हम्मए मुहा एसो ? । एयमनिवारयंतस्स होइ दोसो गुरुस्स इमो ॥ १३ ॥ इय कहिए झत्ति जएकचक्खुणो सम्मुहं च ते लोया । उग्गीरियदढदंडा उवट्ठिया ताडणवाए ॥ १४ ॥ एत्थंतरंमि जिणपक्खवाइणा वंतरेण सा पडिमा । लोआण भेसणत्यं नंगलहत्था समुट्ठविया ॥ १५ ॥ ताहे अदिट्टपुत्वं पडिमाचलणं पलोइउ झत्ति । भयभीया ते सामि भूरिपयारेहिं खामिति ॥ १६ ॥
खामिऊण विमुको जयगुरू चोरायसन्निवेसं गओ, तत्थ पच्छन्नपएसे पडिमं पडिवन्नो, गोसालोऽवि छुहाए परिकिलंतो पुच्छइ-भयवं! अज चरियवं न वा?, सिद्धत्थो वागरेइ-अंतरं अम्हं, तओ गोसालो पविट्ठो गाममज्झे तहिं च गोट्ठीभोयणकएण बहुभक्खभोयणजायं उवक्खडिजइ, सो य अस्थिरतणेणं केवलं देसकालो भविस्सइत्ति जाणणट्ठा निहुओ होऊण पुणो पुणो तयभिमुहमवलोयइ, तत्थ य गामे तद्दियहं महंतं चोरभयं, ताहे गामवासिणो
2525-265555
॥१९४॥
For Private and Personal Use Only
