________________
Acharya Shri Kailasagarsur Gyanmandr
www.kobatrth.org
Shri Mahavir Jain Aradhana Kendra
RAKEDOCTORRORISM
गोसालोऽवि तहाविहमसमंजसमिक्खिऊण भयभीओ। अइदूरमवक्रतो नियजीवियरक्षणट्टाए ॥३॥
अह उवसंतमि जलणमि सामी मंगलाभिहाणे गामे गओ, तहिं च वासुदेवमंदिरे ठिओ पडिमाए, गोसालोवि निलुक्को एगत्थ पएसे, केवलं केलिकलहाइविणोयाभावेण वाढं दुक्खमणुहवंतो फालचुक्कोव मक्कडो दिसीओ अवलो४ एइ, एत्यंतरे कीलानिमित्तमागयाइं तं पएसं गामचेडरूवाइं, तो ताई पेच्छिऊण उवलद्धरयणनिहाणं व पचुजीवियं व मण्णमाणो विडंबियवयणकंदरो दूरं निल्लालियलोलजीहो पसारियबीभच्छच्छिजुयलो धाविओ वेगेण भयजणणनिमित्तं तेसिमभिमुहं ॥
अह तं भीसणरूवं दहणमतकियं समुहमितं । गामाभिमुहं भयओ चेडाई लहु पधावंति ॥१॥ धावंताणं ताणं पक्खलणवसेण केसिमवि जंघा । भज्जइ अन्नेसिं पुण फुटइ सीसं टलइ चलणो ॥२॥ इयरेसिं पुण वियलंति देहनधाई भूसणाईपि । केसि चिय वत्थाई निवडंति तदा भयवसेण ॥३॥ अह तारिसमसमंजसमम्मापियरो पलोइऊणेसि । रोसेण दोसमूलं गोसालं संपवजंति ॥४॥ रे पाव पिसाय किमम्हं चेडरूवाइँ तमिह भाएसि । इय तजिऊण तेहिं कुट्टिजइ सो दढं विवसो ॥५॥ ताहे तं हम्मंतं द8 वारिति गामजणवुड्डा । देवजगस्स एसो खु नूणं सिस्सो अओ मुयहा ॥६॥ कहमवि तेहि विमुक्को गोसालो वागेरइ जिणनाहं । किं मइ हणिजमाणे तुम्हाणं जुजइ उवेहा ? ॥७॥
For Private and Personal Use Only
