________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जणा जाणंति - एस पुणो पुणो पलोएइ, मन्ने चारो चारिओ वा हवेज्जा, ता जइ पुण कहंपि एत्तो पुवमोसोवलद्धी | जाइज्जत्ति विगप्पिऊण गहिओ तेहिं निस्सढं हणिउमारद्धो, य, पुच्छिजमाणो जाव न किंपि जंपेइ ताव मुको कुट्टिऊण, तओ सो विलक्खो चिंतेइ अच्छउ दूरे भोयणसंपत्ती, सरीरस्सवि जं न चुको तमच्छरियं वट्टइ, अहो निकारणदुजणाण मीलगो, अहवा किमेएण ?, जइ अत्थि मम पहुणो पभावो ता उज्झउ एएसिं पावाणं मंडवोत्ति भणिए निद्दहो जिणाणुरागिणा वाणमंतरेण, जिनिंदो पहाविओ कलंबुयाभिहाणसन्निवेसाभिमुहं, तत्थ य दो पचन्तिया भायरो मेहो कालहत्थी य, सामित्तं कुणंति य, तम्मि पत्थावे कालहत्थी भडचडयरपरियरिओ करयलकलियविविहपहरणो चोराणुमग्गलग्गो जाव केत्तियंपि भूभागं गच्छ ताव पेच्छइ समुहमितं जिणं गोसालयं च, ते य दट्ठूण भणइ-के तुम्भे ?, सामी तुसिणीए जावेद, गोसालोऽवि केलिपियत्तणेण मोणमवलंबिऊण ठिओ, तओ सो रुट्ठो निस्सङ्कं हणिऊण भयवंत गोसालगं च बंधिऊण महल्लगस्स भाउणो मेहस्स पेसेइ, सो य भयवंतं तहारूवं दहूण समुट्ठिओ बंधणावणयणपुचयं पूएइ खामेइ थ, तेण किर सामी कुंडग्गामे नयरे सिद्धत्थनरवइणो समीवमुवगएण दिट्ठो आसि, अह तेण मुक्को समाणो भयवं ओहीए इमं आभोएइ अजवि बहुं कम्मं निज्जरियां, तं च सहायविरहेण निजरिडं न सक्किज्जइ, ता अत्थारियादिहंतो एत्थ जुत्तो, सो य एवं
जह फलभरविणमंत ग्गसंस्ससभारपूरियं छेत्तं । दद्दूण तस्स सामी सिग्धं गहणं समीहंतो ॥ १ ॥
For Private and Personal Use Only
