________________
Shri Mahavir Jain Aradhana Kendra
३२ महा●
www.kobatirth.org
Acharya Shri Kailassagarsuri Gyanmandir
पिवासाभिहओ जाहे अन्नं किंपि न पावेइ ताहे एगेण कम्मारएण गेहे णेऊण जेमाविओ अंबिलोलियं कोद्दवकूरं, उवणीओ य से भोयणावसाणे रूवगो, गहिओ य तेण, नवरं वीहीए दंसिओ, कूडगो य जाओ, तओ सो 'जेण जहा भवियवं न तं हवइ अन्नह' त्ति नियइवायं गिण्हइ, भययंपि तंमि चिय कत्तियपुण्णिमादिणे निक्खमिऊण नालंदाओ गओ कोल्लागसन्निवेसं, तत्थ य बहुलो नाम माहणो तद्दिणं दियवरे परमायरणं भुंजावेद, तस्स य गिहे चउत्थमासखमणपारणगं काउकामो सामी पविट्ठो भिक्खं, दिट्ठो अणेण, तओ परमन्त्रेण घयमहुसणाहेण पडिलाभिओ, वियंभियाई पंच दिवाई । इओ य
कूडगरुवयहत्थो लज्जाए मंदमंदसंचरणो । जाए वियालसमए गोसालो एइ सालाए ॥ १ ॥ जिणनाहमपेच्छतो संभंतो पुच्छई समीवगयं । लोयं जिणप्पउत्तिं पुणरुत्तं सवजत्तेणं ॥ २ ॥ जाव न कोइ निवेयइ सबाहिर अंतरं समंतेणं । नालंदं तावेसो हिंडइ सामिं निहालतो ॥ ३ ॥
न कत्थवि उवलद्धो तग्गमणविही तओ स चिंतेइ । पडिकूलो मज्झ विही पुणोवि विहिउऽम्हि एगागी ॥ ४ ॥ एवं च सुचिरं परिझूरिऊण परिचत्तचित्तफलग पमुहोबगरणो विमुक्कनियंसणो सउत्तरोहं सिरं खउराविऊण नीहरिओ तंतुवायसालाओ, तुरियं वच्चंतो य पत्तो कोल्लागे, तत्थ य बहिया जणो अण्णमण्णं एवं जंपेइ-अहो घण्णो कयउण्णो उवलद्धजम्मजीवियफलो माहणो जस्स घरंभि तहाविहमहामुणिदाणव सेण निवडिया कणगवुट्टी, तिय
For Private and Personal Use Only
