________________
Shri Mahavir Jain Aradhana Kendra
Acharya Shri Kailassagarsu Gyanmandir
www.kobatirth.org
श्रीगुणचंद महावीरच० ५प्रस्तावः ॥१८१॥
कंबलशम्बलयोर्देवत्वं पुष्यसमाधानं च.
HSSESARISHMISSIOSEOS
उवचियपुन्ना तुम्भे सफलत्तणमुवगयं च मे जीयं । जं दुक्खविमोक्खखमा पत्ता जिणधम्मसामग्गी ॥७॥ इय एवमाइवयणेहि पसमसारहिं अमयसरिसेहिं । संठविया सुहमग्गे ते वसहा सेटिणा सम्मं ॥८॥
एवं च विसुज्झमाणज्झवसाणा सरीरवेयणं सहमाणा सेद्विभणिजमाणं पंचनमोकारं पडियच्छमाणा कालं काऊण नागकुमारेसु देवेसु उववण्णा, ते इमे कंबलसंबलत्ति ॥
इओ य-भयवं महावीरो नावुत्तिनो संतो जलतीरंमि इरियावहियं पडिक्कमिय सुरसरियापरिसरे ईसिजलोलसुहुमवालुगोवरि मंदं मंदं पयाई निसिंतो थूणागसंनिवेसे गंतुं पयत्तो, नवरि सामिणो पडिफलंतचक्ककमलकुलिसंकुसकलसपासायपमुहपहाणलक्खणंकियं पयपंति नइपुलिणे पलोइऊण पूसो नाम सामुद्दलक्खणवियक्खणो चिंतिउमारद्धो-अहो आजम्मकालाओऽवि अदिट्ठपुवा अचंतमच्छरियभूया कस्सइ महाणुभावस्स छक्खंडमहिमंडलोवभोगिणो चक्किणोच पवरलंछणा पयपद्धई एत्य दीसइ, जइ पुण कहंपि कोइ अपत्तरज्जो वा देसदसणकोऊहली| वा तहाविहविसमदसावडिओ वा चक्कवट्टी एवं भमेजा, पेच्छामि तं महापुरिसं, जइ पुण एयावत्यंमि इमंमि सेविजमाणमि मम समीहियत्थसिद्धी जाएजत्ति परिभाविऊण तुरियगइए जाव कइवयपयंतरमुवगओ ताव दिट्ठो अणेण धृणागसन्निवेसस्स बहिया बहलपल्लवालंकियकंकेल्लितरुणो हेट्टओ पडिमासंठिओ जिणो, दट्टण य परमेसरस्स सिरिवच्छलंछियं वच्छयलं दाहिणावत्तगंभीरं नाभिमंडलं बालप्पवालपाडलं व करकमलं चिंतियमणेणं-न
॥१८१॥
For Private and Personal Use Only
