________________
Shri Mahavir Jain Aradhana Kendra
३१ मद्दा०
www.kobatirth.org
अन्नन्नपणयिणा जणेण वाहिज्जमाणा आरावेहनिस्सरंतरुहिरधारापरिगया कोमलदेहा अदिट्ठतहाविद्दवेयणा तुट्टहियया नित्थामा जाया, तहाविद्दे य ते सेट्ठीगेहे बंधिता मित्तो पडिगओ, सेट्ठीवि भोयणसमए जाव जवसाइ घेत्तूर्ण एइ ताव पेच्छइ एए कंपंत देहे निस्सहगलंतनयणे चणमुहनीहरंत सोणिए दोषि गोणए, एवंविहे य दहूण रुट्ठो पुच्छइ - अहो केण दुरायारेण इमे वराया इमं अवत्थमुवणीया १, निवेदयं च से जहावित्तं परियणेणं, तदायन्नणेण य समुत्पन्नो महंतो चित्तसंतावो, कंबलसंबलावि दृढघायजज्जरियसरीरा अणसणं काउमणा सायरं पुरओ उवणीयंपि चारिपाणियं न गेण्डंति, जाव य पुणो पुणो गवत्ताइयं दिजमाणं नेच्छति ताव सेट्ठिणा मुणिऊण तदभिप्पायं दिन्नमेतेसिं भत्तपञ्चक्खाणं, पडिवन्नं च साभिलासं एएहि,
1
ताहे कारुन्नेणं विमुकनीसेस गेहवावारो । सुसिणिद्धबंधवाण व तेसिं पासे ठिओ सेट्ठी ॥ १ ॥ भाइ जहा रोसमहो मणागमेत्तंपि मा वहेज्जाह । जं निद्दएण तेणं दुत्थावत्थं इमं नीया ॥ २ ॥ संसारपवत्ताणं जंतूणं जेण कित्तियं एवं १ । न हु नामेगंतसुहो जणंमि जाओ जणो कोई ॥ ३ ॥ दढवज पंजरोदरगयपि सेलाइदुग्गलीणंपि । पुचकयमसुभकम्मं जीवं संकमइ कुवियं व ॥ ४ ॥ बिद्दवइ तयणु विवसं सुबहु अइविरसमारसंतं च । कूडपडियं व चडयं नहुप्पयारं तडफडतं ॥ ५ ॥ ता भो महाणुभावा ! सम्म अहियासणं विमोचूण । अन्नो निज्जरणविही न विज्जए पुक्पावस्स ॥ ६ ॥
Acharya Shri Kailassagarsuri Gyanmandir
For Private and Personal Use Only
