________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मेत्तं च वीसमिऊण माहवीलयाहरे निरुचिग्गहियया विविहकहाओ कहे माणा संपट्टिया 'गंतुं, गच्छंताण य जाए रयणिसमए गोभद्देण भणियं-अज्ज ! कलयंटकंठसच्छहा समुच्छलइ तिमिररिंछोली न लक्खिज्वंति संपयं निष्णुण्णया महिमग्गा निद्दावसविसंटुलाई घुम्मंति लोयणाई पयत्तसंचालियावि न चलति चलणा, ता गच्छह गामे, कुणह वीसामंति, विजासिद्धेण भणियं सोम ! सिग्घगईए एहि मुहुत्तमेत्तं किं गामपवेसणकज्जं, गोभद्देण भणियं एवं हवउत्ति । ताहे जाममेत्तं अद्धाणमइलंघिऊण ठिया एगत्थ पएसे । तयणंतरं च विज्जासिद्धो आबद्धपउमासणो निरुद्धसमीरप्पयारो झाणं काउमारद्धो, अह
कणगकलसकलियं रणंतमणिकिंकिणीनिवहरम्मं । सुसिलिट्ठलट्ठथिरथोरथंभसोहं तवरसालं ॥ १ ॥ सुविभत्तचित्तरेहंतवेइगावलयलीढपेरंतं । बज्झपएसनिवेसियमहलपलंकसोहिलं ॥ २ ॥
गणाओ अहावरं विमाणमेगं समोयरेऊणं । विज्जासिद्धस्स पुरो हुं निविद्धं धरणिवट्ठे ॥ ३ ॥ अह तत्तो नीहरिऊण दिप्पंत मणिमउडलंकियसिरा विमलकुंडलकंतिविच्छुरियगंडयला पवरमुत्तासरिविराइयसिरोहरा हारल्याच्छाइयथणकलसा पंचरायमणिकंकणमंडियकोमलबाहुलया रोमावलीसणाहमुट्ठिगेज्झमज्झभाग|देसा रसणादामसंगयनियंब फलया नियंसियपंचवन्नदिवसा झंकारमणहरमणिनेउराणुगयचलणा हरियंदणरसविच्छुरियसरीरा अप्पडिमरूवा एगाए समाणरूवजोवणाइगुणालंकियाए विलयाए अणुगम्ममाणा समागया बिला
For Private and Personal Use Only
