________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
S
AMACROCA
यसुरलोया सरभसपणचिरसुरसुंदरीभुयलयालोलंतरयणवलयरणझणारवनिन्भरभरियभुवणंतरा आगंतूणं वत्तीस ससुरा सुरिंदा समवसरणं विरइंति । केरिसं चिय?
अइसुरमिसिसिरमारुयपडिहयतणुरेणुतकणुकेरं । घुसिणघणसारगंधाभिरामसलिलोवसंतरयं ॥ ३२ ॥ आजाणुमेत्तविक्खित्तकुसुमरेहतरयणमहिवीढं । डझंतधूवधूमंधयारघणसंकियसिहंडिं ॥ ३३॥ मणिचामीयरनिद्धतरुप्पपायारवलयतियकलियं । सव्वत्तोमुहमणिरयणरइयसिंहासणसणाहं ॥ ३४ ॥ डिंडीरपिंडपंडुरछत्तत्तयरुद्धरविकराभोयं । पवणुवेल्लियकंकेलिपल्लवुल्लिहियनहविवरं ॥ ३५ ॥ गयणट्टियसुरकरपहयगहिरवजंतदुंदुहिसमूहं । दिसिमुहपसरियनिम्मलभामंडलखंडियतमोहं ॥३६॥ सरयनिसायरकरनियरागारधुन्वंतचामरुप्पीलं । इय एवंविहमुद्दामदोसहरणं समोसरणं ॥ ३७॥ छहिं कुलयं। तंमि य भुवणेकपहू पवरे सीहासणे तियसपणओ । पुवामहो निसीयइ तित्थस्स नमोत्ति भणिऊणं ॥ ३८॥ हरिसभरनिन्भरुभिण्णपुलयपडलोवसोहियसरीरा । सहाणेसु निलीयंति तक्खणं चउविहा देवा ॥ ३९ ॥ पूरिजइ अंबरमिंतजंततियसाण पंचवण्णेहिं । उद्यचिंधेहिं विमाणलक्खमालासहस्सेहिं ॥४०॥
एत्यंतरे जिणपउत्तिपरिन्नाणनिमित्तं पुन्वनिउत्ता केवलनाणुप्पत्तिनिवेयणत्थं तहा पहरणसालापाउन्भूयपभूयजक्खसमहिट्ठियनिस्सामन्नफुरंतफारपहाभरनिक्कत्तियपयंडतमकंडुडापरचक्करयणवइयरसंसणत्थं च भरहनरिंदस्स
AAA-%ACCORDCAKACAR
For Private and Personal Use Only
