________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
MOHAMHUSACX
सो य सूलपाणी जाहे अट्टहाससद्देण भयवं न भीओ ताहे पिसायरूवं विउवइ, तं च केरिसं?
अइकविलथूललंविरकेसोहच्छन्नगयणयलमज्झं । अविपक्कसुक्कतुंवयसरिच्छवीभच्छवयणिलं ॥१॥ दिसिकुंजरंकुसागारदूरनिकसियकलुसदसणग्गं । चिविडग्गघोरघोणानिलकंपियकविलमुहलोमं ॥२॥ लंबिरबलिचम्मोणद्धमडहवच्छत्थलट्ठिसंघायं । पिट्ठावलग्गलिंजरकप्परसमजरढजठरतलं ॥३॥ तालतरुजुयलदीपरनिम्मंसहारुनद्धजंघजुयं । ठाणट्ठाणोलंबियपलंवतंडवियफणसप्पं ॥४॥ अइवेगमुक्तकमभरथरहरियससेलमेइणीवढे । कक्खंतरालनिग्गहियमडयपिसायासणाभिरयं ॥५॥ अइकुडिलकत्तिउक्कत्तियंगिनिस्सरियरुहिरपाणपरं । उन्भवियपयंडभुयं पावसमूहं व पचक्खं ॥६॥ इय एवंविहरूवं पिसायमवि पासिऊण जयनाहो । मसगं व अवगणितो धम्मज्झाणं विचिंतेइ ॥७॥ ताहे स सूलपाणी उवउत्तो पेहए जिणवरिंदं । मेरुव निप्पकंपं निब्भयचित्तं पवरसत्तं ॥८॥ तयणंतरं च पुणरवि भेसणकजेण सो महापावो । निसियग्गकुंतभीसणउग्गविसुग्गाढदाढालं ॥९॥ अविकलियरोसवसनिस्सरंतविसमिस्सजलणजालोहं । पप्फुरियफारफुक्कारवायभजंततरुनियरं ॥१०॥ वियडुब्भडचडुलफणाकडप्पपडिरुद्धदिसिमुहाभोगं । सिरिरयणकिरणसंचयदावियगुरुवणदवासंकं ॥११॥ कलिकालपढममित्तं व तिवदुरिओहभूरिरासिं व । जमपासंपि व सक्खा महिमहिलावेणिदंडं व ॥ १२ ॥
For Private and Personal Use Only
