________________
Shri Mahavir Jain Aradhana Kendra
श्रीगुणचंद महावीरच ० ५ प्रस्तावः
॥ १५१ ॥
www.kobatirth.org
Acharya Shri Kailassagarsuri Gyanmandir
तवियं ? कस्स या उवयारे ठियं १ को वा धम्मो सम्ममाराहिओ ? कत्थ वा सुतित्थे सरीरचाओ कओत्ति १, इद्द विमंसिऊण पउत्तो ओही, दिट्ठं च तं तहाविगरालरूवं बलीवद्दसरीरं, ताहे समुच्छलिओ से महाकोवानलो वियंभिओ अविवेओ समुल्लसिओ अकज्जकरणपरिणामो, तयणंतरं पेच्छंतु दुरायारा नियपावपायवस्स फलंति विभाविंतेणं तेण विउच्चिया सयलगामवासिजणाण मारी, तप्पभावेण य अणवरयं मरिउमारद्धा उत्तिममज्झिमजहन्ना बहवे जणा, जायंति य पइदिणं अकंदियरवा । कहं चिय ? -
हा ना! पाणवलह ! कत्थ गओ मज्झ देसु उल्लावं । हा हा कर्यंत ! निक्किव ! कह सहसा ववसिओ एवं १ ॥ १ ॥ हा वच्छ ! किमुच्छंगेऽवि तं गओ अइगओ सि पंचतं । मम मंदभाइणीए अहो किलेसो मुहा जाओ ॥ २ ॥ हा जणणि! तहा कठ्ठेण पालिउं मं निलक्खणमियाणिं । कह निरवराह एच्चिय न देसि तं मज्झ पडिवयणं १ ॥ ३ ॥ हा भाय! बंधुवच्छल ! हा तं भइणि! निक्कवडपेम्मे । एकपए चिय चलियाई कीस मुत्तूण मं दुहियं १ ॥४॥ हा वच्छे! बहुदविणवण परिणाविया पयत्तेण । तहविहु इमं अवत्थं संपत्ता हा हयासोऽम्हि ॥ ५॥ हा जक्खवं महरिसूरबुद्ध जिणखंदरुद्दपमुहसुरा । तह पूइयावि संपद किमुवेक्खह तो कुणह रक्खं ॥ ६ ॥ इय अणवरयं तियचच्चरेसु लोयस्स रोयमाणस्स । परिमुक्कावर कज्जस्स जंति दुक्खेण दिवसाई ॥ ७ ॥ एवं च जुगंतसमएव रोगेहि य छिद्दपवेसेहि य पियजणविरहदुक्खेहि य हिययसंघट्टेहि य मरमाणंमि अणेगलोगे
For Private and Personal Use Only
शूलपाणि वृत्तं.
॥ १५१ ॥
