________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
AR:-BSCASEANICALAMALA
भणियं जहा-एसो मम पवरवसभो एरिसदुद्रुत्थाममवत्थंतरं पत्तो ता तुम्हेहिं एयस्स इमिणा रूवगसएण ओसह| चरणाइचिंताए संमं वट्टियवं, एसो तुम्ह नासगो इव समप्पिओ मए, न सबहा अन्नहा कायचंति निरूविऊण सो18 मयहत्तरजणे मोयाविऊण वसहस्स पुरओ बहुं चारि पाणियं च ससिणेहं खामिऊण य तं जहाभिमयं गओ धणदेवसत्थवाहो।सो य वसभोगाढवेयणाभिभूओ जेट्टमासदिणयरनिहरकरोलिकरालिओत्ति गिम्हुण्हतत्तमहियलडज्झमाणदेहो विरसमारसंतो दिणं गमेइ, तंपि से तिणाइयं अवरगोरूवेहिं भक्खिजइ, सोऽवि चारिवारिरहियत्तणेण गाढवाहिपीडियत्तणेण य सदीणं दिसाओ अवलोएमाणो तणसलिलहत्थे तं पएसं वोलते जणे दहण चिंतेइ-नृणं मम निमित्तं एए इममुवाहरंतित्ति, लोगोऽवि तं अइक्कमित्ता नियनियकज्जेसु पयट्टइ, एवं च सो वसभो पइदिणं तहादसणविहलियासो, चम्मद्विपंजरावसेसो एवं सो परिकप्पेइ-अहो महापाविट्ठो वजगंठिनिहरमाणसो निग्घिणो चंडालविसेसो असचसंधो कलिकालकलिलकलुसिओ एस गामजणो जेण मम एवं दुहियस्स अच्छउ दूरे करुणाए तण्णपूलगाइदाणं जं तइया धणदेवसत्थवाहेण मम समक्खं जवसाइ जीवणमप्पियं तंपि गसिऊण ठिओत्ति । एवं च पइदिणं पओसमुबहतो अकामतण्हाए अकामछुहाए अकामतिववेयणाए आउलीकयसरीरो महानगरदाहमज्झपडिओ इव देहदाहाभिभूओ मरिऊण तंमि चेव गामे अग्गुजाणे सूलपाणिनामो वाणमंतरो समुप्पन्नो, तहिं च उववण्णो समाणो तहाविहं देवरिद्धि पेच्छिऊण विमरिसिउमारद्धो-अहो मए पुवभवे किं दाणं दिन्नं? किं वा तवं
२६ महा.
For Private and Personal Use Only
