________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मडबखेडकच्चडे अणेगलोगसंकडे । सुरिंदविंदवंदिओ परिब्भमेइ सामिओ ॥ ३ ॥
एवं च हिंडमाणस्स जयगुरुणो पजंतमणुपत्तो गिम्हसमओ, उवागओ वासारतो, तओ थणियसद्दं कुणमाणेसु सजलजलहरेसु मंद मंद निवडंतीसु वारिधारासु नियनियगेहमणुवच्चंतेसु पहियजणेसु माणससरं सरंतेसु रायहंसेमु | सामी पडिनियत्तिऊण समागओ तत्थेव मोरागसंनिवेसे, दिट्ठो कुलवई, समप्पिओ तेण पेमसवस्समुद्दहंतेण संछन्नो मढो, बुत्थो तत्थ पलंचियभुओ काउस्सग्गेण भयवं, एवं वच्चति वासरा ।
अह वट्टमाणंमि पढमपाउसारंभे निट्ठिएस चिरं संचियनुसतणपलालप मुहचारिविसेसेसु अणुग्गमंतेसु अभिणवतणाईसु कत्थवि किंपि भक्खणिजं अपावमाणाई गोरुवाई छुहापरिगयाई आगंतून तावसगिहे छायणतणभक्खणत्थमलियंति, तावसावि निहुरलट्ठिप्पहारेण ताणि कुट्टिऊण निद्धार्डिंति, दुवारट्ठिया य निचंपि सङ्घायरेण रक्खंति नियउडवर, गोरुवाणि तेहिं ताडियाणि इओ तओ परिन्भमिऊण अविजमाणरक्खणं भगवओ मढं उवद्दविति, तावसावि नियगिट्टिया तं विलुप्पमाणं पेच्छिऊण भयवओ उवरि परिओसमुहंति-अहो आम्हे निय उडवर रक्खेमो, एस पुण समणो मणापि न रक्खेह, ता किं करेमो ?, कुलवणा धरिओत्ति न किंपि पारिज्ज पचक्खं फरुसमुल्लविउँति, एवं च पइदिणं जायमाणे परूढगाढमच्छराणुबंधा एगया गया ते कुलवइसगासे, सोवालंभं च भणिउमाढत्ता, जहा - सामि !
For Private and Personal Use Only
