________________
Shri Mahavir Jain Aradhana Kendra
श्रीगुणचंद महावीरच ० ५ प्रस्तावः
॥ १४५ ॥
www.kobatirth.org
Acharya Shri Kailassagarsuri Gyanmandir
अह परसामत्थेवि जइ कम्मक्खउ घडेज ता विहलो । सिरलोयबंभचेराइविविहतवचरणवावारो ॥ ३ ॥ अइकिलिट्टचित्तत्तणेण दढवद्धरसविवागाणं । सयमणुभवणं मोत्तुं कम्माण ण णिज्जरणमत्थि ॥ ४॥ एगोचिय सुमहं एस जिओ सहइ कम्मवसबत्ती । अवयारुवयारकरा तस्सेव पभावओ हुंति ॥ ५ ॥ ता जे पुवं सिद्धा जे सिज्झिस्संति जे य सिज्यंति । ते नियवीरियकम्मक्खएण अन्नोऽत्थि नोवाओ ॥ ६ ॥ एवं विविहम होवसग्गवग्गं वियाणिउं पुषिं । पडिवन्नोऽहं संजममेतो का ते मम गणणा ? ॥ ७ ॥ इय सुरनाहं विविहोवउत्तिजुत्तीहिं बोहिउं भयवं । काउस्सग्गंमि ठिओ नूणं मियभासिणो गरुया ॥ ८ ॥ एत्थ य पत्थावे भयवओ चैव जणणिभगिणीए पुत्तो कयतहाविहघोरवालतय विसेस सामत्थोवलद्धवंतरसुरभवो सिद्धत्थो नाम देवो समागओ तं पएसं, सो य भणिओ सुरिंद्रेण जहा-भो सिद्धत्थय ! एस भयवं तुह आसन्नसयणोत्ति एगं कारणं, बीयं पुण ममाएसो, ता सबहा पासडिओ सामिस्स मारणंतियमुवसग्गं पडिक्खलेज्जासित्ति, सोऽवि एयमायन्निऊण देविंद भासणजायपरमतोसो तहत्ति पडिसुणइ, पुरंदरोऽवि सट्टाणं गओ । अह जायंमि पभायसमए भयवं चलिओ तओ ठाणाओ, कमेण य पत्तो कोल्लागसंनिवेसे, तत्थ य बहुलो नाम माहणो परिवसर, तस्स य गिहे महूसवो समारद्धो, निप्फाइया रसवई, जेमेइ सयलजणो, एत्यंतरे भयवं मुणियभिक्खासमओ अतुरियं असंभंतो छटुपारणगे पविट्ठो भिक्खानिमित्तं गाममज्झे, उच्चनीयगिहेसु य परिभमंतो संपत्तो बहुलस्स मंदिरं, दिट्ठो
For Private and Personal Use Only
गोपोसर्गनिवारणं
इन्द्र
विज्ञप्तिः
॥ १४५ ॥
