________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
विणयपणमंतमत्थयगलंत मंदारसुरहिकुसुमभरा । तत्थाहिं गिराहिं जिणं थोडं एवं समारद्धा ॥ ६ ॥ जयसि तुमं मयरद्धय सिंधुरखरनहरदारुणमईद ! । चलणग्गचालियाचलसंखोभियसधरधरणियल ! ॥ ७ ॥ नियकज्जपरंमुह भुवणर क्खणक्खणिय ! परमकारुणिय । नायकुलकमलवणसंडचंडमायंड ! तुज्झ नमो ॥ ८ ॥ जह लोयालोयगपि नाह ! तं मुणसि वत्थुपरमत्थं । तह किं कयाइ जाणइ मंदमई मारिसो- लोओ ? ॥ ९ ॥ अहवा हेलुल्लासिय करपसरनिरुद्धतिमिरनियरस्स । सूरस्स पुरो खज्जोयगाण का होड़ देहपहा ? ॥ १० ॥ तहवि य निययाहिगारं नाह ! कलिऊण नूणमम्हेहिं । सुमरणमेत्तनिमित्तेण तुह इमं सीसए किंपि (सामी) ॥ ११ ॥ पजं पडिवज्जसु भवरुय संतत्तगत्तसत्ताणं । तित्थंकर ! तित्थमणत्थमंथणं लहु पट्टे ॥ १२ ॥ अइमूढकुतित्थियदुट्टदेसणातिमिरनियर अंतरियं । पयडेसु मोक्खमग्गं निरुवमनाणप्पईवेण ॥ १३ ॥ अइभूरिविचित्ताइसयरयणकारुन्नवारिभरियाओ । वयणामयं पगिण्हउ लोओ तुह सायरा ॥ १४ ॥ निस्सामन्नं सामन्नभावमायन्निऊण सयलजणो । रोमंचकंचुलो आकप्पं तुह कहं कहउ ॥ १५ ॥ इय सविजयदेवगणोवइकायन्वदुगुणिउल्लासो । जाओ जएकचक्खू सविसेसं मोक्खसोक्खमई ॥ १६ ॥ एवं च विन्नविऊण सट्टाणं गए लोगंतियतियसेसु उट्ठिऊण भयवं सीहासणाओ पासवत्तिणा परियणेण अणुगम्ममाणो गओ नंदिवद्धणपमुहाणं नायखत्तियाणं समीवे, तेऽवि जिणमितं दद्दूण सत्तट्ट पयाई गया सम्मुहं, कया
For Private and Personal Use Only
