________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वार्षिकदा
श्रीगुणचंद महावीरच. ४ प्रस्ताव:
नम्
॥१३५॥
MASCAMERASACREASE
रस्स तेसु तेसु पएसेसु बहूओ महाणससालाओ काराविऊण विउलं असणपाणखाइमसाइमरूवं आहारं उवक्ख- डेह, तयणंतरं च जे जहागच्छंति खुहाभिभूया तण्हापरिसुसियकंठा पासंडत्था गिहत्था वा अन्ने वा तहारूवा तेसिं तहा आसत्थाणं सुहासणगयाणं हरिसुप्फुल्ललोयणाणं तं चउविहंपि आहारं सबायरेण दवावेह, तहा ठाणे ठाणे मुंचह मंदभद्दाइजाइणो करिणो चउदिसं संठवह सूररहतुरयविन्भमे पवरतुरंगमे सबत्थ पयडह रहनिवहे पएसे पएसे मेलह पवरपट्टणुग्गए वत्थसमुदए दंसह गामागराइणो संनिवसे, एएहिंतो जो जं समीहेइ तस्स तं वियरहत्ति, जं देवो आणवेइत्ति भणिऊण निग्गया पुरिसा, समारद्धो सवत्थ नरिंदाएसाणुरूवो उवक्कमो । अह अनिवारियवेरिए समगणियरायरोरे अमंदाणंदसंदोहजणणे भगवओ पयट्टे संवच्छरियमहादाणे एत्तियं अत्थो सवसंखाए गओतिन्नेव य कोडिसया अट्ठासीयं च होंति कोडीओ । असियं च सयसहस्सा सबग्गेणं दविणसंखा ॥१॥ इय मग्गणलोयं तप्पिऊण आवरिस कणगवरिसेण । पञ्चज्जापडिवत्तिं कुणइ मणे जिणवरो वीरो ॥२॥ अह बंभलोयकप्पे रिलुमि विमाणपत्थडे विउले । दिवविमाणोवगया एए देवा महासोक्खा ॥३॥ सारस्सयमाइचा वण्ही वरुणा य गद्दतोया य । तुसिया अबाबाहा अग्गिच्चा चेव रिहा य॥४॥ तक्खणविचलियसीहासणा य ओहीऍ नायनियकिचा। नियनियपरियणसहिया झडत्ति जिणपासमलीणा॥५॥
॥१३५॥
For Private and Personal Use Only
