________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
CAREER
तवणिजपंजलाभेण इह भवे विगयदुक्खमप्पाणं । कुणिमो परलोयंमि य तइंसणजणियपुत्रेण ॥३॥ परभवपरूढखरदुक्खनिवहसंतत्तसवगत्ताणं । अन्नो नत्थि उवाओत्ति अम्ह एसो हवउ सरणं ॥ ४ ॥ इय णेगेसुं मग्गणगणेसु इंतेसु दूरदेसाओ । पूरियमणोरहेसुं अन्नेसु नियत्तमाणेसु ॥ ५॥ कुंडग्गामंमि पुरे रुंदासुवि तासु तासु रत्थासु । निद्दयनिद्दलियउरो दुक्खेण जणो परिभमइ ॥६॥ जत्थ निहाणे दिहि पम्हलघवलं परिक्खिवइ वीरो । दट्ठइ तत्थ हिरन्नं करुणारसमच्छरेणं व ॥७॥ अत्थिजणपरिवुडे जिणवरंमि गेहंगणे भमंतंमि । परिसकिरकप्पमहादुमच लक्खिजए पुहई ॥ ८॥ दाणे य जायणमि य दायगतकुयजणेण सवत्थ । सरिसचिय उलावा वियंभिया देहि देहित्ति ॥९॥ एत्थ रयणुक्कर एसु ठवेह एत्थ य पवित्थरे वत्थे । पूरेह एत्थ तवणिजपुंजए मग्गणनिमित्तं ॥ १० ॥ इय दाणनिउत्तजणस्स पइदिणं किंकरे भणंतस्स । पुणरुत्तो वावारो जाओ संवच्छरं जाव ॥ ११॥ अखलियपसरं सिरिजिणवरेण दिंतेण दुत्थियाण धणं । सेसाणवि पयडिजइ सिवपुरपंथो धुवं एस ॥ १२ ॥ सच्चावायनिबंधण धणेवि जो कुणइ मोहिओ मुच्छं । सो दुक्करतवचरणे अत्ताणं कह व संठविही? ॥ १३ ॥ ता जिणवराणुमाणेण सबविरई समीहमाणेण । अन्नेणयि एवं चिय पयहियवं सइ धणमि ॥ १४ ॥ एवं च दाणे अणुदियहं पयट्टमाणे नंदिवद्धणनरिंदो नियपुरिसे सहावेत्ता एवं आणवेइ-भो भद्दा! एयस्स नय
<RANAGAR
For Private and Personal Use Only
