________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
समप्पिया तस्स जसोयकन्नगा, दिन्नो सयंवर विवाहजोग्गो महंतो हयगयकणगाइविच्छडो, भणिओ य जहा-भद्द! गच्छसु तुरियं, कारवेसु पाणिग्गहणमहिमंति, तओ नरवइवयणाणंतरमेव चलिओ अक्खलियपयाणगेहिं एसो, अहं पुण एयकज्जनिवेयणत्थमेव पढमं चिय तुम्ह पासे पेसिओत्ति, ता देव ! एयं तं आगमणकारणं । रन्ना भणियं मद्द ! सम्मं कथं, अणुरूवमेयं, पट्टिज्जउ अकालपरिहीणं वंछियत्थो, दूएण जंपियं-देव ! कहं न पयट्टजइ जेण विवाहलग्गंपि आसन्नं यट्टइत्ति वृत्ते रन्ना सेसनरवइवरगपुरिसा सम्माणिऊण विसज्जिया नियनियट्ठाणेसु, अन्नदिवसे य समागया सा रायकन्नगा बद्धाविओ नरिंदो दवाविओ तीसे निवासनिमित्तं समुत्तुंगसत्तभूमिगो पासाओ पेसिया रसवई काराविया अन्नाचि तक्कालोचिया पडिवत्ती, पसत्थमुहुत्ते य कयपवरसिंगारो अणेग सामंतसुहड परिवुडो आगओ | मेहनाओ सेणावई, पणमिओ अणेण राया, पुच्छिओय कुसलोदतं, राइणाऽवि तस्स दवावियं आसणं तंबोलाइदाणपुचयं च पुट्ठो समरवीरनरेसरसरीरकुसलवत्तं, सविणयं साहिया य तेण, अह विविहसंकहाहिं गमिऊण खणमेकं रन्ना अन्भणुन्नाओ समाणो उडिओ मेहनाओ, गओ य निययावासे, समारद्धो विवाहोवकमो, बंधाविया मंचा, जहोचियं विरइयाई आसणाई, निरूविया विविह्नकम्मेसु किंकरा, परिकप्पियं वेइगाविमाणं । तं च केरिसं ?
मरगयमणिचच्चिक्किय सुवण्णवरकलसविरयणारम्मं । अइनिम्मलरंभागग्भखंभउद्भूयविजयपडं ॥ १ ॥ परिमुक्कक्कुसुमपुंजोबयारपरिभमिरभमररवमुहरं । निम्मलमुत्ताहलभरियचारुमणिकोद्विमचकं ॥ २ ॥
For Private and Personal Use Only
