________________
Shri Mahavir Jain Aradhana Kendra
www.kcbatrth.org
Acharya Shri Kailassagarsur Gyanmandir
ROC
इय एवं जपतेसु तेसु कंचुइजणेण परियरिया। तिसलादेवी सयमेव आगया भगवओ मूले ॥६॥ अह सत्तट्ठ पयाई अणुगंतुं संमुहं जिणो तीसे । आसणदाणप्पमुहं पडिबत्तिं कारवइ सर्व ॥ ७ ॥ अण्णोण्णघडियकरसंपुडं च देवि पडुच्च भगवंतो। जंपइ अम्मो! साहह आगमणं किंनिमित्तंति ॥८॥
देवीए जंपियं-पुत्त ! तुह दंसणाओऽवि किमन्नं निमित्तं ?, जओ एत्तिएण वसइ जीवलोगो भरियं दिसावलयं । सुहावहा रायलच्छी संतोसमावहइ गेहं निवुई उवजणइ पणइजणो विगवंधयारं तिहुयणं, ता किमवरं वरं साहेमि निमित्तंति, एवमाइनिउण भगषया चिंतियं-अहो अणाइक्खणिज्जो कोऽवि जणणीजणस्सावचे सिमेहो, अतुलं किपि वच्छलं, असरिसा कावि अवलोयणाभिरई, सया चक्खुगोयरगएवि मए अम्बा ईसिअसणेऽवि संघद एवं संतप्पइत्ति विगप्पिऊण पुणो भणिया देवी-अम्मो! तहावि साहेसु किंपि पओयणं १, तिसलाए भणियं-पुत्त! जइ एवं ता पडिवजसु विवाहमहूसवं,जओ एयनिमित्तं एसो पणइजणो अम्हेहिं तुज्झ पासे पेसिओ, तुह विवाहुकंठिओ खु नराहिवो नयरजणो य, ममावि एत्तियमेव संपयं अपत्तपुवं सुह, पडिपुन्ना सुहाणुभावेण सेसमणोरहत्ति, भगवयावि आगच्भकालाओऽपि मम एस पन्नाविसेसो-जं अम्मापिऊणं अप्पत्तियकारिणी पवजावि न कायबत्ति चिंतिऊण निरभिलासेणवि अब्भुवगयं तयाइ8, परितुहा य देवी समं परिजणेण, निवेइओ एस वइयरो नरिंदस्स।
एत्यंतरे सिद्धत्थरायमुवटिओपडिहारो निवडिऊण चलणेसु विनविउमाढत्तो य-देव! समरवीराभिहाणराइणो दूओ
For Private and Personal Use Only
