________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
SARSWASASARALEX
मंतीहि, एत्यंतरे समागया कुमारचारोवलंभनिमित्तं पुवपेसिया गूढपुरिसा, पणमिओ तेहिं राया, निवेइओ नयरनिग्गमाओ आरब्भ जयवद्धणपुररजलाभपजंतो सबो कुमारवुत्तंतो, तुट्टो राया, दिन्नं च चिंतियाइरित्तं तेर्सि वित्तं, पेसिया य कुमाराणयणनिमित्तं वुद्धिसागरपमुहा मंतिणो, अणवरयप्पयाणएहिं पत्ता य ते जयवद्धणपुरं, नरविक्कमोवि नाऊण तेसिमागमणं सपरियणो निग्गओ अभिमुहो, पवेसिया वड्डविच्छड्डेणं, कया जणगनिविसेसा पडिवत्ती, पुट्ठा य उचियसमए आगमणप्पओजणं, निवेइयं तेहिं जहा-पव्वजापडिवजणाभिलासो राया, तुमंमि नियरजभरारोवणमणोरहो य देवस्स, अओ तुम्हाणयणनिमित्तं पेसियम्हि, इमं सोचा तक्खणमेव तत्थ रजे जेटपुत्तं ठविऊण समग्गनियखंधावारसमेओ चलिओ नरविक्कमो समं मंतीहि, कालक्कमेण पत्तो जयंतिनयरिपरिसरं, विनायतदागमणो दूरं संमुहमागओ नरसिंहनरवई समं चंपगमालाए देवीए, तो दूराओ चेव नरविक्कमो जणगमागच्छंतं पेच्छिऊण हरिसुप्फुल्ललोयणो उयरिऊण करिवराओ मंतिजणसमेओ गंतूण निवडिओ चलणेसु जणयस्स जणणीए य, तेहिवि चिरदसणुप्पन्नाणंदसंदिरच्छेहि गाढमालिंगिऊण निवेसिओ नियउच्छंगे, पुट्ठो यसरीरारोग्गय, खणंतरे य पविट्ठाई नियमंदिरं, पत्थावे पुठ्ठो नरवइणा नरविक्कमो पुरीगमणकालाओ आरम्भ पुब्बवइयर, साहिओ नरविक्कमेण समत्थोऽवि, एवं च चिरकालदसणसमुन्भवसुहसंदोहमणुहवंताण गया कइवि वासरा, अन्नदियहे य भणिओ राइणा नरविकमो-पुत्त! पुन्वपुरिस पवित्तियवत्तिणीपरिपालणेण उस्सिंखलजणताडणेण य एत्तियं कालं जाव मए पालियं रज, इयाणि पुण
CACICCCCCCCCIAL
For Private and Personal Use Only
