________________
Shri Mahavir Jain Aradhana Kendra
www.kobatirth.org
तिवाणुबंधो विसयपडिबंधो सवणमेत्ता विसेसधम्मवत्ता, तम्हा जहाभद्दगत्तमेव एयस्स इण्हिमुचियंति चिंतिऊण वृत्तो सो-महाराय ! जइ एवं ता पज्जुवासेज सुसाहुणो पसंसेज्जसु जिणधम्मं अणुमोएजसु तप्पडिवन्ने भवजणे, एत्तियमेत्तेणवि होही दढकम्मविगमो, एवंति पडिवजिऊण गओ राया सद्वाणंमि ।
निप्पञ्चवायमउले भोगे भुंजेति पंचरूवेवि । सवत्थ जायकित्ती नरविकमनरवई ताहे ॥ १ ॥
सूरी धम्ममग्गे आरोविय भूरि भवपाणिगणे । सीसगणसंपरिवुडो नयराउ विहरिओ वाहिं ॥ २ ॥ पsिबोतो सूरो भवकमलाई वयणकिरणेहिं । कालक्कमेण पत्तो जयंतिनयरिं विहारेण ॥ ३ ॥ उग्गह मणुजाणाविय नयरीए वाहिं चंपगुज्जाणे । सद्धम्म कम्मउज्जुयजइजणसहिओ ठिओ भयवं ॥ ४ ॥ जाया पुरे पसिद्धी सिद्धंतविसारओ जहा सूरी । इह आगउत्ति ताहे वंदणवडियाए नयरिजणो ॥ ५ ॥ अंतेउरेण सहिओ हरिकरिरहजोहवूह परिकिण्णो । नरसिंहभूमिनाहोवि आगओ सूरिपासंमि ॥ ६ ॥ सायरमह विणमंतुतिमंगमणिमउडलीढपयपीढं । पणमिय मुणिजणसहियं गुरुमुवविट्ठो धरणिवट्ठे ॥ ७॥ संसारासारयागभा, तओ सद्धम्मदेसणा । गुरुणा काउमाढत्ता, मोहविद्धंसकारिणी ॥ ८ ॥ जहा - वलयासिंधुनिम्मग्गवडवी व दुलहं । को माणुसत्तं संपप्प, पमाएज विकखणो १ ॥ ९ ॥ खणोऽवि नाउकम्मस्स, जाइ जेणाविणस्सरो । तेणेस मुच्छिओ लोओ, निरुविग्गो कहं भवे ? ॥ १० ॥
Acharya Shri Kailassagarsuri Gyanmandir
For Private and Personal Use Only
