________________
Shri Mahavir Jain Aradhana Kendra
www.kobatirth.org
तीए जंपियं-ता कीस नियत्तेसि मं ?, कुमारेण भणियं - मग्गगाढपरिस्समकारणेण नियत्तेमि, जइ पुण अवस्समेवागतवं मए समं ता पउणा भवसु, विमुंचसु भवणनिवासाभिरदं परिचय सुकुमारत्तणंति, सीलमईए भणियं एसा समसुहदुक्खसहा जाया पगुणम्हि तओ करकलियसरासणो पिप्पिएसबद्धतोणीरो सुयजुयलसमेयाए सीलमईए सहिओ सुहपसुत्तेसु नयर लोएस पसंतेसु गीयरवेसु सट्टाणनिविट्ठेसु अंगरक्खेसु पमत्तेसु जामकरिघडाधिरूढेसु सुहडेसु इओ तओ पेसिएस नियचेडगेसु नीहरिओ नयराओ कुमारो, अविच्छिन्नप्पयाणएहिं परं रजंतरं गंत्तुं पवत्तो य ।
Acharya Shri Kailassagarsuri Gyanmandir
इओ य आयन्निऊण कुमारस्स विदेसगमणं सयलोऽवि नयरीजणो मुक्तकंठं विलविउमारद्धो, मंतिणोऽवि परिचतनीसेसरज्जवावारा हरियस वस्ससारा इव विमणदुम्मणा गंतूण नरनाहं उबलंभिउं पवत्ता, कहं विय ?
तिलतुसमित्तंपि नियपओयणं अम्ह साहिउं देवो । पुधिं करिंसु इहि पचयमेत्तेऽवि नो पुट्ठा ॥ १ ॥ ता देव ! जुत्तमेयं काउं किं तुम्ह थेवकज्जेऽवि ? । रज्जभरधरणधीरो जमेस निवासिओ कुमरो ॥ २ ॥ किं एदुकुंजरकरण नियजीयनिव्विसेसस्स । पुत्तस्स एरिसगई विधिया केणावि नरवइणा ? ॥ ३ ॥ किं वा विंझमहागिरिपरिसरधरणीऍ कुंजरकुलाई । हरियाई तक्करेहिं जं देवो ववसिओ एवं ॥ ४ ॥ इत्थीए रक्खणओ किमजुत्तं नणु कर्यं कुमारेण ? । नियडिंभदुटुचेद्वावि जणेइ जणयस्स संतोसं ॥ ५ ॥ पररजेसु य अजसो अम्हाण पयासिओ तए नूणं । जह नरसिंघनराहिवरज्जमुवेक्खंति गुरुणो य ॥ ६ ॥
For Private and Personal Use Only
