________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
निरूवंता पत्ता एत्तियं भूमिभागं, एत्थ आगएहि य निसामिओ तुम्ह सद्दो, को पुण भीसणे मसाणे एत्तियवेलं होहित्ति कोऊहलेण सुणतेहिं कुमारपचाणयणकालागएहिं पुरा तुम्ह निसुयसद्दाणुमाणेण पञ्चभिन्नायत्ति, ता कुणह पसायं जयसेहरकुमारजीवियदाषेण, एत्यंतरे विष्णायपरमत्थेण भणियं पत्थिवेण भो महासत्त ! परिचय फरुसभावं, पणयभंगभीरूणि भवंति सप्पुरिसहिययाणि ता अंगीकरेसु एएसि पत्थणं, घोरसिषेण भणियं-महाराय ! वाढं विरत्तं मम रज्जादीहिंतो चित्तं, गाढपावनिबंधणं खु एयं, रण्णा भणियं मा मेवं जंपेसु, जओ
सन्नायं दिसओ विसिद्वमुणिणो पालितयस्साणिसं, सासिंतस्स विसिनीइ मणुए दाणाई दिंतस्स य । धम्मो होइ निस्स वस्समरणो रजेऽवि संचिट्ठओ, नो साहुस्स स सत्यवज्जियविहीजुत्तस्स गुत्तस्सवि ॥ १ ॥ घोरसिवेण भणियं - महाराय ! एवमेवं, राइणा भणियं जइ एवं ता गच्छह तुम्भे, पडिच्छह [वि]जयसे हरकुमारप्यापडिवत्तिं, घोरसिवेण भणियं महाराओ निवेयइ तं कीरइत्ति, तओ पहरिसिया विज्जाहरा, सावरं पणमिउं तेहिं राया विन्नत्तो - अहो महायस ! परमत्थेण तुम्भेहिं दिन्नं अम्ह पहुणो जीवियं, अह पमुक्ककवालपमुह कुर्लिंगोबगरणो विओगवेयणावस विसप्पमाणनयणंसुधाराघोववयणो घोरसिवो गाढमालिंगिय नरवई सगग्गय गिरं भणिउमादत्तो
कुम्भमतिमिरुग्भाभियलोयणपसरेण तुज्झ अवरद्धं । जं किंपि पावमहणा तमियाणिं खमसु मम सवं ॥ १ ॥
For Private and Personal Use Only
