________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मंगलं संक्षिप्तवृत्त.
श्रीमहा० चरित्रे १ प्रस्तावः ॥१॥
दंसियसमग्गसग्गापवग्गमग्गाण गोयभाईणं । गुणवंताण गुरूणं थुणामि पयपंकयं निचं ॥९॥ इय संथवणिजप्पयपणाममाहप्पनिद्दलियविग्यो। भवाण सोक्खमूलं धम्मुवएस पयंपेमि ॥१०॥ जलहिजलगलियरयणं व दुल्लहं पाविऊण मणुयत्तं । पुरिसत्वजणकज्जे उजमियई बुहजणेणं ॥ ११ ॥ तत्थ पुरिसत्थमत्थयचूडामणिविन्भमो परं धम्मो । सो पुण पइदिणसवरियसवणओ हवइ भवाणं ॥ १२॥ तस्स य धम्मस्स जिणो पणायगो संपयं महावीरो। चरियपि उ तस्सेव य सुणिजमाणं तो जुत्तं ॥ १३॥ तं पुण निस्सेसागमसमुहसवणासमत्थसत्ताणं । निउणेणाविन गुरुणा समग्गमवि तीरए वोत्तुं ॥ १४॥ ता जह भुवणेकगुरू निप्पडिमपभावधरियधम्मधुरो । मिच्छत्ततिमिरमुसुमूरणेक्कमिहिरो महावीरो ॥१५॥ अचंतमणंतमणोरपारभववारिरासिमणवरयं । पुर्व परियट्टिय तिरियतियसपुरिसाइभावणं ॥१६॥ ओसप्पिणी इमीए पढम चिय गामचिंतगभवंमि । नीसेससोक्खमूलं सम्मत्तमणुत्तमं पत्तो ॥१७॥ तत्तो पाविय देवत्तमुत्तमं भरहचकवहिस्स । मिरिइत्ति सुओ होउं काउं जिणदेसियं दिक्खं ॥१८॥ दुस्सहपरिसहनिम्महियमाणसो पयडिउंतिदंडिवयं । मिच्छत्तविलुत्तमई कविलस्स कुदेसणं काउं ॥१९॥ तहोसेणं अयराण वहिउं कोडकोडिसंसारं । छन्भवगहणे पुणरवि पारिवजं पवजित्ता ॥२०॥ दीहं संसारं हिंडिऊण रायग्गिहमि रायसुओ। होऊण विस्सभूई घोरं संजममणुचरित्ता ॥२१॥
॥१॥
For Private and Personal Use Only
