________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
नियजियमिव सम्बे पाणिणो रक्खमाणो, खणमिव अचयंतो सुत्ततत्तत्थचित्तं ॥१॥ सुहदुहमणिलेड्सतुमित्ताइएसुं, तुलमिव समरूवं चित्तवित्तिं धरितो।
तिणमिव पडलग्गं कंडिउं सबसंग, विहरइ वसुहाए निप्पकंपो महप्पा ॥२॥ तो वासकोडिमेगं पध्वजं पालिऊण कयमरणो। सुकमि देवलोए जाओ देवो महिडीओ ॥३॥ इय वीरनाहचरिए सुपवित्ते दुक्खदारुकरवत्ते । सिवपुरसंमुहपत्थियमंगलकलसेकवरसउणे ॥४॥ उसभजिणकहियहरिचकवहिपयपवरलाभपडिबद्धो । जणमणविम्हयजणणो संमत्ता तइयपत्यावो ॥५॥ जुम्मं ॥
(इति तइओ पत्थावो)
चतुर्थः प्रस्तावः हरिचक्कवईण इमा भणिया वत्तवया पयत्तेणं । एत्तो नंदणनरवइवित्तंतं मे परिकहामि ॥१॥ | भत्यि सयलवसुंधरारममीरयणकन्नपूरोषमा वेसमणरायहाणिविन्भमा छत्ता नाम नयरी, तत्थ धम्मराजो नयमम्गपवत्तणेण कयंतो कोवेण अजुण्णो कित्तीए बलभद्दो भुयबलेण मयलंछणो सोमयाए दिणयरो पयावेण पवणो सरीरसामत्येण गुरू गुरुबुद्धिविभवेण महुमहो बलिसत्तुदमणेण वम्महो रूवेण सयलजयपायडजसो जियसत्तू नाम राया, तस्स य मयरद्धयपणइणीसमहरेगरूवविभवेऽवि विगयदप्पा इत्थिभावेऽवि दूरपरिचत्तमाया जहत्थाभिहाणा
For Private and Personal Use Only
