________________
Shri Mahavir Jain Aradhana Kendra
www.kobabirth.org
Acharya Shri Kailassagarsuri Gyanmandir
प्रियमित्र
दीक्षा.
श्रीगुणचंद महावीरच. ३ प्रस्ताव ॥७॥
निओइया आणानिइसे, काराविया सेवाविहि, पीडिया समहिगकरगहणेणत्ति, तेहिं भणियं-देव !
वजोवलेहिं घडियं हिययं अम्हारिसाण निभंतं । जं एरिसाई वयणाई तुम्ह सोउं न विहडेइ ॥१॥ जणणीजणगा जेणं पढम उवगारिणो परं जाया। परमुत्तरुत्तरगुणेसु नृणं अम्हे तए ठविया ॥२॥ ता कह इयाणि तुह चरणकमलसेवाविवजिया गेहे। निग्घिणचित्ता अम्हे निवसंता नेव लज्जामो॥३॥ जह तुम्हे तह को वा अवराहपयं तितिक्खिही अम्ह । जह इहलोए तह परभवेऽवि ता नाह! तं सरणं ॥४॥
एवं भणिए राइमा बुचं-जइ एवं ता निययगेहेसु गंतूण सहाणे पुत्ते ठविऊण य कयसयलकायचा पवरसिबिगाधिरूढा ममंतियं पाउन्भवह, तहत्ति पडिवजिऊण गया ते सगिहेसु, कयं तकालोचियं किचं, राइणावि अभिसित्तो नियरजे पुत्तो, समप्पिया करितुरगाइणो, कयमजणालंकारपरिग्गहो य चारुसिविगाधिरूढो तेहिं सवेहिवि पहजागहणाभिलासीहिं परिवुडो दिजंतेसु अणिवारियप्पसरं कणगाइदाणेसु वजंतेसु चउविहतूरेसु नचंतेसु तरुणिसत्येसु थुणंतेसु मागहनिबहेसु गओ उजाणं, ओयरिओ सिविगाओ, तिपयाहिणीकाऊण वंदिओ सूरी परिचत्ताभरणस्स य दिना से गुरूहि पवज्जा, अंगीकया य तेण भावसारं । अह पढियजिणिंदुहिसिद्धंतसत्यो गुरुजणपयआराहणुजुचचित्तो परिहरियपमायुम्मायमायापवंचो बहुविहतवकम्मासेवक्खीणदेहो॥
विमलगुणकलावं अजिणंतो जिणंतो, कुसुमसरपमोक्खं वेरिवग्गं समग्गं ।
RECRACCREACRECC
॥७०॥
For Private and Personal Use Only
