________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
-C+CCCAUSE
असुइपडिपुण्णकलसस्सेव बाहिरमेत्तरमणीयस्स दुजणचेट्टियस्सेव अवियारसुंदरस्स महानरिंदस्सेव विसिट्टविसयाणरागिस्स दुद्धपाणपरब्वसमजारस्सेव अणवेक्खियपयंडजमदंडाभिघायस्स विविहप्पयारेहिं उबलालणत्यं गिव्हंति रजं करेंति निरवेक्खचित्ता पाववावारं सयावि रक्खणत्थं विविहपहरणहत्थं धरैति सुहडसत्वं अणवरयसंतापकरं कोहलोहाइवेरिनियरं निचं पच्चासन्नट्टियपि अणवेक्खिऊण जोयणसहस्संतरियं संकति सत्तुनिवहं सकजमत्ताणरागिणपि निकवडपेम्म मण्णंति परियणं अवस्संभाविनिहणंपि धुवं लक्खंति धणं, ता अहो तेर्सि पमचचित्तया अहो निधिवेयया अहो महामोहमहिमया अहो इहलोयपडिबंधपरवसया अहो आगामिदुक्खनिरपेक्खया अहो दुहविवागावलोयणपडिकूलया, इइ चिंतयंतस्स पढियमेगेण कालनिवेयएण वेयालिएण
विच्छायं पच्छिमासागयमिममहुणा सूरविंबं मिलंता, रोवंति वालिजालुब्भडरवमिसओ पुंडरीयाण संडा।कंदंते चकवाया गुरुविरहमहादुक्खसंतत्तगत्ता,धी संसारो (संसारो धी) असारो जमिह फुडमहो सासयं नत्थि किंपि ॥१॥ | राहणाऽवि एवमायनिऊण चिंतियं अहो अणिचयाए संबद्धं साहु पढ़ियं एएण, जुत्तो संपयं मम धम्मुजमो काउंति निच्छिऊण पसुत्तो रमणीए।ततो खणे खणे भवनिग्गुणत्तं पेहमाणस्स पाणिवहपमुहाई दुक्कियाइं गरिहंतस्स संसारुव्वेयं वहसाणस्स सुहिसंबद्धं बंधणं व गणेतस्स भोगे भुयंगेष परिकर्षितस्स मायंदजालं व जीवलोयविलसियमवलोयंतस्स विसालसेज्जाएनि तल्लवेलिं करेंतस्स कहकहवि वोलीणा रयणी, समुग्गओ दिवायरो । एत्यंतरे पढियं मागहेण
For Private and Personal Use Only
