________________
Shri Mahavir Jain Aradhana Kendra
Acharya Shri Kailassagersuri Gyanmandir
www.kcbatrth.org
ACAKAC
तो तंमि समारूढो हरिकरिपाइक्कचक्कपरियरिओ। वीसत्थो पवणवसुलसंतसुमहलकलोलं ॥ २॥ गोपयमिव सिंधुनई लंपित्ता मेच्छजाइए सवे । आणानिइसे संठवेइ रयणाई गिण्हेइ ॥ ३॥ सामी! तुम्हे सरणं गई य एमाइ जंपमाणे ते । ठविउं सहाणेसुं विणियत्तइ विजयसेणो तो ॥४॥ पियमित्तचक्कवहिस्स पायपंकयजुयं पणमिऊण । रयणाई समप्पइ सो मिलक्खुविजयं च वजरइ ॥५॥ पुणरवि रण्णा भणिओ सेणाहिवई जहा तुम भद्द! । गच्छसु तिमिसगुहाए कवाडउग्घाडगत्थाए ॥६॥ ताहे तहत्ति सम्म पडिसुणिऊणं समग्गबलकलिओ। गंतुं गुहासमीवे अट्ठमभत्तं तवो कुणइ ॥७॥ अह तिक्खुत्तो पहणइ निविडेणं तिवदंडरयणेणं । ते तिमिसगुहाकवाडे महप्पमाणे वइरघडिए॥८॥ दंडाभिधायपरिपेल्लियाई कुंचारवं करेंताई। कुकलत्तकहियगुज्झं व ताई विहडंति वेगेण ॥९॥ तयणंतरं च वलिउं साहइ सो चक्कवहिणो वत्तं । सोऽवि य गयमारूढो समग्गसेणाएँ संजुत्तो ॥१०॥ चउरंगुलप्पमाणं रोगासिवनासणं मणिं घेत्तुं । चकाणुमग्गलग्गो तिमिसगुहं विसइ भयराइओ (महराया) ॥११॥ तत्तो तिमिसगुहंतंधयारविद्धंसणठमइगरुए। मंडलगे सो विलिहइ कागिणिरयणेण भित्तीसु ॥ १२ ॥ ताहे मंडलगमऊहजालउज्जोयहणियतिमिराओ।नीहरइ सुहेण समं सेणाए सो गुहाहिंतो ॥ १३॥ इओ य वेयडपरभागवत्तिणो विलाया महापरकमा अपरिभूयसामत्था कणगरययधगधन्नसमिद्धा नियनियट्ठाणेसु
...०३-
०५
For Private and Personal Use Only
