________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद महावीरच० ३ प्रस्ताव
प्रियमित्रस्य दिग्विजया
देवीए सुहासणत्थाए चलियं सीहासणं, ओहिनाणमुणियचक्कयतिसमागमा य नाणामणिकणगरयणभत्तिचित्ताणि दोन्नि भद्दासणाई कडगाणि तुडिगाणि वत्थाणि पगहिऊण चकवट्टिसगासमागया पंजलिउडा विणएण समप्पेइ, रायाऽवि तं सक्कारिय सम्माणिय सठ्ठाणे विसजेइ । तओ पुगरवि चक्करयणं वेयड्डपचयाभिमुहं गंतुमारद्धं, रायाऽवि सबलवाहणो तदणुसारेण य(गच्छइ)कमेण य पत्तो बेयडपवयस्स नियंवदेसं, तत्थ य खंधावारं निवेसावेइ, वेयड्डगिरिकुमारदेवोऽवि पुन्वनाएण चलियासणो विविहालंकारहत्थो सेवं पडिच्छइ । कइवयदिणाणंतरं च तिमिसगुहासमीवमुवागयस्स चक्किणो अट्ठमभत्ततवचलियासणो कयमालयदेवो भालयलविलुलंतकरकमलो झडत्ति चक्खुगोयरमागओ, थीरयणजोग्गं रयणालंकारं अन्नाणि य विविहाणि भूसणाइं पणामेइ, आणानिदेसं च बहुमनिऊण गए तंमि राया विजयसेणं सेणावई रयणभूयं सहाविऊण एवं वागरेइ-भो विजयसेण! गच्छाहि तुमं सिंधुमहानईए पञ्चत्थिमिलदेसं नगनगरागराइपरिक्खित्तं सिग्धं साहिऊण एहित्ति, जं देवो आणवेइत्ति विणएण सासणं पडिच्छिऊण सेणाहिवो विहियतकालोचियमजणाइवावारो महापरकमो तेयंसी मेच्छभासाविसारओ विस्सुयजसो पवरकुंजरखंधाधिरूढो सन्नद्धबद्धकवओ उप्पीलियसरासणधणुपट्ठो अणेगगणनायगदंडनायगपरिवुडो धरियधवलायवत्तो चलंतविमलचामरो पहयतूररवबहिरियदियंतरो सिंधुमहानईतीरमुवागच्छइ । ताहे स चम्मरयणं सिंधुमहानइजलंमि वित्थरइ । बारसजोयणमेत्तं नावारूवेण तरणहा ॥१॥
---
--
For Private and Personal Use Only
