________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
५० * * * * * पाययकुसुमावली तम्हा कीरउ रक्खा इमीए बाहिं गिहस्स दूरम्मि । गेहम्मि ठिया संती साहीणा सव्वलोयस्स ॥ ३ ॥
सायात ता पेयवणे गंतुं निहणिज्जउ कम्मि रहपएसम्मि । आवइगयाण जेणं साहिज्जं कुगइ अम्ह इमा ।। ४ ॥ एवं रहम्मि मंतिवि तणएण सम गओ मसाणम्मि । खणिऊण गुरुं गत्तं निहणंति तहिं दविणकलसे ।। ५ ।। पूरेऊणं गत्तं भणिओ तो सेट्ठिणा इमं तणओ। पुत्त पलोएसु तुमं गंतुं सव्वं पि दिसिचक्कं ।। ६ ।। जइ पुण केण वि दिट्ट हविज्ज सो भणइ ताय । निउणो तं अइभीसणे मसाणे रयणीए एइ को एत्थ ।। ७ ।। तो भणइ पिया सुनिरूवियस्स इह होइ वच्छ को दोसो। इय भणिए पुत्तेणं गंतूण निरूवियं सव्वं ॥ ८॥ दिट्टो तो कप्पडिओ पडिओ मयखिड्डएण गयचेटो। सासं निरंभिऊणं दवट्ठाणं पलोयंतो ।। ९ ।। तेणागंतुं कहियं गयसासो को वि चिट्ठए तत्थ । तो सेट्ठिणा वि भणियं जइ पुण सो दव्वलोभेण ॥ १० ॥ सुनिलंभिऊण सासं पडिओ मयखेड्डयं विहेऊण । ता कि पि तस्स अंग छेत्तुं छुरियाए लहुं एहि ॥ ११ ॥ इय कहिए तक्कण्णं छेत्तूण समागओ तओ भणिओ। बीयं पि छिंद सवणं जइ पुण धुत्तो इय सहेइ ।। १२ ।।
For Private And Personal Use Only
