________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
४६ * * * * * पाययकुसुमावली एत्थंतरम्मि जो सो ठविओ इंदणलोगपालते। नलकुब्बरो ति नाम दुल्लंघपूरे परिव्वसइ ॥ १ ॥ अह तेण अग्गिपउरो पायारो जोयणा सयं रइओ। जंताणि बहुविहाणि य रिउभङ्गजीयंतनासाणि ॥२॥ गंतूण नंदणवणं वंदित्ता चेइयाणि भावेणं । पुणरवि य पडिनियत्तो दहवयणो निययआवासं ॥३॥ सन्नद्धबद्धकवया पहत्थपमुहा भडा बलसमग्गा । पेसेइ गहणहेउं दुल्लंघपुरि दहग्गीवो ।। ४ ।। पत्ता पेच्छंति पुरि समंतओ जलणतुंगपायारं । जंतेसु अइदुल्लंघं भयजणणं सत्तुसुहडाणं ।। ५ ॥ अह वेढियं समत्थं अल्लीणा रक्खसा कउच्छाहा । हम्मंति वेरिएणं बहुविविज्जापओगेहिं ।। ६ ।। मारिज्जतेहि तओ रक्खससुहडेहि पेसिओ पुरिसो। गंतूण सामियं सो भणइ पहू मे निसामेहि ।। ७ ।। डझंति अल्लियंता सव्वत्तो धगधगंतजलणेणं । मारिज्जति पहुत्ता जंतेसु करालवयणेसु ॥ ८ ॥ सोऊण इमं वयणं लंकाहिवमंतिणो मइपगब्मा । निययबलरक्खण? जाव उवायं विचितेति ॥ ९ ॥ ताव य उबरंभाए दूई नलकुब्बरस्स महिलाए। संपेसिया य पत्ता दहमुहनेहाणुरत्ताए ।। १० ।।
For Private And Personal Use Only
