________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२६
*
*
*
*
* पाययकसमावली
अत्थि इह भारहखिते कोसलदेसम्मि कोसलानयरी। तत्थ इक्खागुकुलुप्पन्नो निरुवमनयचायविक्कमजुत्तो निसहो नाम निवो । तस्स सुंदरीदेवीकुक्खिसंभूया जणमणाणंदे दुवे नंदणा नलो कूबरो य ।
इओ य विदब्भदेसमंडणं कुंडिणं नयरं । तत्थ अरिकरिजूहसरहो भीमरहो राया। तस्स सयलंतेउरतरुषुप्फ पुप्फदंती देवी । ताणं विसयसुहमणुहवंताण समुप्पन्ना सयलतइलोक्कालंकारभूया
धूया।
तीए तिलओ जाओ सहजो भालम्मि तरणिपडिबिंबं । सप्पुरिसस्स व वच्छत्थलम्मि सिरिवच्छवररयणं ।
जणणीगब्भगयाए इमीए मए सव्वे वेरिणो दमिय त्ति पिउणा कयं तीए दमयंति त्ति नाम]। सियपक्खचंदलेह व्व सव्वजणनयणाणंदिणी पत्ता सा वुद्धि समए समप्पिया कलोवज्झायस्स ।
आयंसे पडिबिंबं व बुद्धिजुत्ताइ तीइ सयलकलाओ। संकताओ जाओ य सक्खिमत्तं उवज्झाओ ॥
पत्ता य सा जुव्वणं । तं दट्ठ ण चितियं जणणीजणएहिं'एसा असरिसरूवा, विहिणो विन्नाणपगरिसो य । ता नत्थि इमीए समाणरूवो वरो । अत्थि वा तहवि सो न नजइ । अओ सयंवरं काउं जुत्तो।'
तओ पेसिऊण दूए हक्कारिया रायाणो रायपुत्ता य। आगया गयतूरयरहपाइक्कपरियरिया ते। नलो वि निरूवमसत्तो पत्तो
For Private And Personal Use Only
