Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सिरिउसहनाहस्स देहसोहालक्खणाई। चित्ताणुरंजणाय उसहसामी कीलेइ। धूलोधूसरसम्बंगो घग्घरमालं धरंतो कीलंतो पहू अभंतरठियमयावत्थाकलहो इव विराएइ। सामी जं किंचि लीलाए हत्थेण गिण्हेइ तं उद्दालेउं महडिढओ वि देवो न खमो । जो पहणो बलं परिक्खि अंगुलिं पि गिण्हेइ, सो 'सासपवणेणावि रेणुव्व दूरओ गच्छेइ । केई सुरकुमारा विचित्तगेंदुगेहि भूमीए लोट्टमाणा गेंदुया इव पहुं रमाविति, केइ रायसुगा होऊण जीव जीवत्ति नंद नंदत्ति वारंवारं वयंति । केइ सुरा मोरा भविऊणं केकासदं कुणता सामिस्स पुरओ नच्चिरे, केइ हंसवधरा गंधारसदं रवंता पासम्मि चरंति, केवि कोचरूवधरा मज्झिमारावं कुणंता पुरओ रसंति, धरियकोइलरूवा केवि सुरा पहुमणविणोदाय सामिसंनिहिम्मि पंचमसरं गायंति, केवि सुरा पहुवाहणेण अप्पाणं पवित्तिउं इच्छंता तुरंगा हविऊण हेसारवेण धेवयझुणिं कुणंति । केवि कलहरूवधरा निसायसरं रसंता अहोमुहा होऊण करेण पहुस्स चरणे फरिसंति । के वि वसहरूबधरा रिसभसरछज्जिरा सिंगेहिं तडीओ तालिंतो सामिणो नयणविणोयं पकुव्वंति, के वि अंजणायलसंनिहा महिसीहोऊण मिहो जुज्झमाणा भत्तुस्स जुद्धकीलं दंसेइरे । के वि पहुणो विणोयटुं मल्लरूवधारिणो सुरा मुहं मुहुँ भुए अप्फालिता मल्लजुद्धभूमीसुं परुप्परं बोल्लाविति, एवं देवकुमारेहिं विविहविणोयपयारेहिं सययं उवासिज्जमाणो ताहि च धाइरूवधराहिं देवंगणाहिं लालिज्जमाणो विहू कमेण वुढि पावेइ । अंगुट्टामयपाणावत्थाए परओ वयंमि संठिआ अवरे अरिहंता गिहवासे सिद्धं अण्णं मुंजेइरे, भयवं नाभिनंदणो उ देवाणीअ-उत्तरकुरुखेत्तफलाई भुंजेइ, खीरसमुदजलं च पिवेइ, एवं पहू बालत्तणं उलंधिऊण विभत्तावयवं बीयं जोव्वणवयं पावेइ ।
जिणज्जोवणकाले देहसोहा देहलक्खणाई च--
जोव्वणवयंमि पत्ते पहुणो पाया मउआ रत्ता कमलोयरसरिसा कंपसेयरहिया उण्हा समतला य संजाया । सामिस्स लच्छीलीलागेहाणं पायाणं तलम्मि संखकुंभचिण्हाई तह पण्हीए सत्थिओ विरायति । सामिस्स अंगुट्ठो मंसलो वटुलो तुंगो भुजंगमफणुवमो वच्छो इव सिरिवच्छलंछिओ, पहुणो नियाय-निकंप-सिणिद्धदीवसिहोवमाओ निरंतराओ उज्जूओ अंगूलीओ पायपउमाणं दलाई इव सोहेइरे । जगगुरुणो पायंगुलितलेसुं गंदावत्ता सोहंति, जाण पडिविंबाई पुढवीए धम्मपइटाणहेउत्तणं पाति । अंगुलीणं पव्वेमुं जवा जगप्पहुणो जगलच्छीविवाहाय उत्ता इव
१ श्वासपवनेनापि । २ ऋषभस्वरबन्धुराः । ३ वत्सः । । उप्ताः ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |