Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
mm
सिरिउसहनाहचरिए भासेइरे । पहुस्स 'पण्हा पायकमलस्स कंदो इव 'वत्तुलाऽऽयया विस्थिण्णा य, अंगुहअंगुलिफणीणं नहा फणामणिसंनिहा रायंति । सामियायाणं दुणि गूढा गुप्फा हेमारविंद-मउलकण्णिागागोलगसिरिं वित्थारिति । पहुणो पाया उवरिभागम्मि कुम्मो व उण्णया अदिस्ससिरा निद्धच्छविणो लोमविवज्जिया संति । सामिणो सेयाओ जंघाओ अभंतरमग्ग अस्थि-पिसियपुक्खलाओ कमवटुलाओ एणीजंघासोहाहारिणीओ। सामिस्स जाणूई मंसपूराई वटुलाई, उरुणो य मउआ निद्धा अणुपुत्वेण पीवरा पोढ-कयली-थंभ-विन्भमा, 'मुक्खा य गूढा समटिइणो, पुरिसचिन्हं च जच्चतुरंगस्स इव अइगृढं । सामिणो कडी आयया मंसला थूला विसाला कढिणा, मज्झभागो य तणुत्तणेण "कुलिसोदरसरिसो, नाभी गंभीरा सरियावत्तविलासधरा, कुच्छीओ निद्ध-मंसल-कोमल-सरल-समाओ । पहुणो वच्छत्थलं सुवण्णसिलाविसालं उण्णयं सिरिखच्छरयणपीढअंकियं सिरिलोलावेदिगासिरिं धरेइ । भगवओ खंधा दिइपीणुण्णया वसह-कउह-सण्णिहा, कच्छाओ अपलोमुण्णयाओ गंधसे यमलरहियाओ, बाहाओ आजाणुलंबिराओ पीणाओ हत्थफणच्छत्ताओ, जगवइणो हत्था नव-अंबपल्लवारुणतला 'निकम्मकक्कसा सेय-च्छिदरहिया उण्हा तह य दंड-चक्क-धणुहमच्छ-सिरिवच्छ-वइर-अंकुस-झय-कमल-चामर-छत्त-संख-कलस-समुद-मंदर-मगररिसह-सीह-तुरंग-रह-सत्थिय-दिसिगय-पासाय-तोरण-दीवप्पमुहसुहलक्खणेहिं पाया इव सोहिरा । सोणपाणिजाया अंगुट्ठो अंगुलीओ य रत्ता सरला य सोहेइरे। सामिणो अंगुट्ठपव्वेसु जवा जस-वरतुरंगस्स पुट्टिविसेसहेपवो फुडं सोहंति । पहणो अंगुलिमुद्धेसु दाहिणावत्ता सब्वसंपत्तिसंसिणो दाहिणावत्तसंखसोई धरंति । करकमलमूलम्मि तिण्णि रेहाओ लोगत्तयं उद्धरिलं संखालेहा इत्र रायंते । विहुणो कंठो वत्तुलो अणइदीहो रेहातयपवित्तिओ गहीरझुणी संखविडवणं करेइ । पहुणो वयणं विमलं वत्तुलं कंतितरंगियं लंछणवज्जिओ अवरो चंदोव्व विरायइ । सामिस्स"मसिणा मंसला निद्धा कवोला सहाऽऽवासियलच्छीसरस्सईणं सुवण्णमइया "आयंसा इव संति, कण्णा अभंतरावत्तसुहगा खंधावलंबिणो, ओट्ठा विवफलोवमा, बत्तीसं दंता कुंदपुप्फसरिसा, नासा कमओ वित्थिण्णा कमेणुत्तुंगवंसा य । पहुणो चिबुझं "अहस्सदीहं मंसलं वत्तुलं मउयं, 'मंसुं च सामलं बहलं निद्धं कोमलं सिया । विहुस्स जीहा पच्चग्ग-कप्पतरु-पवालारुण-कोमला अणइयूला दुवालसंगपवयण-अत्थ-पयंसणी। सामिगो नयणा मज्झमागे किण्ह-धवला,
१ पाणिः-पगनी पानी । २ वर्तुलायता । ३ °मुकुलम्-अर्धविकसितम् । ४ जङ्ग्रे-पादपिण्डिके । ५ हरिणी । ६ मुष्की । ७ वज्रमध्यभागसदृशः। ८ निष्कर्मकर्कशौ । ९ शोणपाणिजाताः-रक्तहस्तोत्पन्नाः । १. मसूणौ-स्निग्धौ । ११ आदशौ-दर्पणौ। १२ अह्नस्वदीर्धम् । १३ श्मश्रु ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |