Page Text
________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
भरहस्स महारज्जाभिसेओ।
१३९ मंगलाई सो पन्थियो नियभइणीणं विव अंगीकरेइ, दळु इच्छमाणे परुप्परसंघरिसणपीलिज्जमाणे समीवहिए जणे उक्खित्ताऽभयपयकरो भूवई वेत्तिअजणेहितो रक्खेइ, एवं गच्छंतो भूमिपालो रायमंदिरग्गभूमीए उभयपासओ उच्चएहिं निबद्धमत्तगयवरेहि रज्जसिरीकीलागिरी हिं पिव अइबंधुरं, इंदनीलमइयगीवाभरणेणेव मणोहारिमायंद-दल पुण्णेण तोरणेण विभूति, कत्थई मुत्तागणेहिं कत्थइ कप्पूरचुण्णेहिं कत्थइ चंदकंतमणीहिं कय-सत्थियभंग, कत्य य चीणंसुएहिं कत्थ य दुऊलवसणेहिं कत्थ वि देवदूसेहिं पि पडागापंतिपरिमंडियं, अंगगंमि कथइ कपूरपागीएहिं कत्थ य पुप्फरसेहिं कत्थ वि गयमयजलेहिं कयाभिसेयणं, सुवण्णकलस-मिसाओ वीसंतरविमिव सत्तभूमियंच पिउसंतिय-महापासायं आसाएइ । तओ तस्स पासायस्स अंगण-ग-वेइगाए पायं निवेसिंतो वेत्तियदिण्णहत्थो नरिंदो गयवराओ उत्तरिऊणं पुवं आयरिओ इब सोलससहस्साई ताओ नियाऽहिदायगदेवयाओ संपूइऊण विसज्जेइ । तओ सो बत्तीसं रायवरसहस्साई चमूवई पुरोहियं गिहवई वढई च विसज्जए, पुणो सो भूवई तेसहिअहिगतिसयाई मूए मयंगए आगालाय विव दिट्ठीए नियट्ठाणगमणाय आदिसेइ, तह महूसवसमत्तीए अतिहिणो विव सेट्ठिणो अट्ठारस सेढीपसेढीओ य दुग्गपालगे य सत्थवाहे वि विसज्जइ । तओ सो भूमिवालो सको सईए इव सुभदाए इत्थीरयणेण सहिओ तह रायकुलजायाणं च पवरजुवईणं बत्तीस-सहस्सेहि तावइआहिं जणवयवइकण्णाहिं बत्तीसपत्तजुत्तबत्तीसनाडगेहिं पि परिवरिओ जक्खराओ कइलासमिव मणिरयण सिलापंतिदिण्णनयणूसवं पासायं पविसेइ । तत्थ य नरिंदो सीहासणंमि पुचमुहो खणं ठाऊण काओवि संकहाओ काऊण सिणाण-निएयणं वच्चइ, तत्थ भरहनरीसरो सरम्मि गो विव सिणाणं किच्चा परिवारेहि समं सरसाहारभोयणं कुणेइ, तो तेहिं नवरस-वरनाडएहिं मणोरमेहिं च संगीएहिं जोगेहि जोगीव कंपि कालं नयइ। एगया सुरनरा भत्तीए तं इअ विष्णविंति-सक्कसमपरकम ! महाराय ! तुमए विजाहरनरिंदसहिया एसा छखंडभूमी साहिआ, तओ अम्हे अणुजाणेसु जह तुम्ह महारज्जाभिसेयं सच्छंदं कुणेमो। भरहस्स महारज्जाभिसेओ
रण्णा तहत्ति इअ अणुण्णाया ते देवा नयरीए बाहिरं सुहम्मसहाए खंडमिव पुव्वुत्तरदिसाए मंडवं विहेइरे, तो ते दह-नई-समुद्द-तित्थेहितो जलोसहि-मट्टिआओ
१ माकन्दः-आम्रः । २ विश्रान्तादित्यमिव । ३ सूदान्-रसवतीकारान् । ४ श्रेणी-प्रश्रेणयः नव मालाकारादिजातयो नव तैलिकादिजातय इति अष्टादश ।
For Private And Personal
| SR No. | 020520 |
| Book Title | Padhamvaggo |
| Original Sutra Author | N/A |
| Author | Nemivigyan Kastursuri Gyanmandir |
| Publisher | Nemivigyan Kastursuri Gyanmandir |
| Publication Year | |
| Total Pages | 246 |
| Language | Sanskrit |
| Classification | Book_Devnagari |
| File Size | 19 MB |