________________
Shri Mahavir Jain Aradhana Kendra
अपि च ।
www.kobatirth.org
काव्यमाला |
श्रीमदानन्दरायमखिप्रणीतं जीवानन्दनम् ।
प्रथमोऽङ्कः ।
लक्ष्मीकैरवबन्धुकल्पकतरूंल्लब्ध्वाथ लब्धेप्सिते भूयो मति देवदानवगणे दुग्धाब्धिमृद्धश्रमे ।
तस्यानन्दथुना समं समुदयन्कुम्भं सुधापूरितं
विभ्राणः स्वकरे करोतु भवतां भद्राणि धन्वन्तरिः ॥ १ ॥
अपि च ।
Acharya Shri Kailassagarsuri Gyanmandir
प्राग्जन्मीयतपः फलं तनुभृतां प्राप्येत मानुष्यकं
तच्च प्राप्तवता किमन्यदुचितं प्राप्तुं त्रिवर्ग विना । तत्प्राप्तेरपि साधनं प्रथमतो देहो रुजावर्जित
स्तेनारोग्यमभीप्सितं दिशतु वो देवः पशूनां पतिः ॥ २ ॥ (नान्द्यन्ते)
सूत्रधारः - मारिप, इतस्तावत् ।
(प्रविश्य)
पारिपार्श्वकः- भाव, एपोऽस्मि ।
सूत्रधारः
रीतिः सुखपदन्यासा शारदीया विजृम्भते । पूर्णचन्द्रोदयश्चायं निहन्ति ध्वान्तमामयम् || ३ ||
क्रममाणेषु दिगन्ते जलधरजालेषु शङ्खधवलेषु । शान्तिमुपयाति सहसा कालुप्यदशा भृशं पयसाम् ॥ ४ ॥
For Private and Personal Use Only
