________________
Shri Mahavir Jain Aradhana Kendra
कल्पसूत्र
114 11
www.kobatrth.org
अन्
बहुपु बंभणसु परिव्वायएसु नएसु सुपरिनिट्ठिए आवि भविस्सइ ।। सू. ९ ।। तं उराला गं तुमे देवाणुप्पिए ! सुमिणा दिठ्ठा, जाव आरुग्ग-तुट्ठि|दीहाउअ - मंगल-कल्लाण-कारगा णं तुमे देवाणुप्पिए ! सुमिणा दिठ्ठत्ति कट्टु भुज्जो | भुज्जो अणुवूहइ ॥ सू. १०।। तए णं सा देवाणंदा माहणी उसभदत्तस्स माहणस्स अंतिए | एअमठ्ठे सुच्चा निसम्म हठ्ठतुठ्ठ जाव हिअया जाव करयल - परिग्गहिअं दसनहं सिरसावत्तं मत्थए अंजलि कट्टु उसभदत्तं माहणं एवं वयासी ||सू. ११ ।। एवमेअं देवाणुप्पिआ ! तहमेअं देवाणुप्पिआ ! अवितहमेअं देवाणुप्पिआ ! असंदिद्धमेअं देवाणुप्पिआ ! इच्छिअमेअ देवाणुप्पिया ! पडिच्छिअमेअ देवाणुप्पिया ! इच्छिअ-पडिच्छिअमेअं | देवाणुप्पिया ! सच्चे णं एस अठ्ठे से जहेयं तुब्भे वयहत्ति कट्टु, ते सुमिणे सम्म पडिच्छइ, पडिच्छित्ता उसभदत्तेणं माहणेणं सद्धि उरालाई माणुस्सगाई भोग भोगाई भुंजमाणा विहरइ ॥सू. १२|| ते णं काले णं ते णं समए णं, सक्के देविंदे देवराया, वज्जपाणी, पुरंदरे, सयक्कउ, सहस्सक्खे, मघवं, पागसासणे, दाहिणड्ढलोगाहिवई, एरावणवाहणे, सुरिंदे, बत्तीस - विमाण-सयसहस्साहिवई, अरयंबर - वत्थधरे, आलइअ
For Private and Personal Use Only
Acharya Shri Kailassagarsuri Gyanmandir
मूळ
॥ ५ ॥
