Page Text
________________
Shri Mahavir Jain Aradhana Kendra
प. १६ ]
www.kobatirth.org
Acharya Shri Kailassagarsuri Gyanmandir
दीक्षाविधानम्
१९९
सामान्या हि (त्रि ? ) विधा चान्या सर्वेषां भावितात्मनाम् । संक्षिप्ता मध्यमा सा च तृतीया चातिविस्तरा ॥ ५५ ॥ [ संक्षिप्तादित्रयस्य फलभेदः ]
क( अ ? )ल्पकालं च संक्षिप्ता भोगं यच्छति सङ्कटम् । मध्यमा मध्यमं भोगं तथा काळं प्रयच्छति ।। ५६ ॥ अनन्तभोगफलदा भवेद्भोगाभिलाषिणाम् । प्रभावाद्धोमपूजाभ्यां विस्तीर्णा कालमक्षयम् ॥ ५७ ॥ समत्वमपवर्गे तु भवेद्दीक्षात्रयस्य च । [ विशेषदीक्षायाः पञ्चविधत्वम् ]
विशेषाख्या च या दीक्षा पञ्चधा सा व्यवस्थिता ॥ ५८ ॥ [ पञ्चविधासु विशेषदीक्षासु प्रत्येकमधिकारिभेदनिरूपणम् ] प्रथमा समयज्ञानां बलानां विष्णुचेतसाम् । भक्तानां कन्यकानां च द्वितीया पुत्रकेषु च ।। ५९ ॥ तृतीया मोक्षमार्गस्था साधकानां तु वै सदा । चतुर्थी मुनिशार्दूल ब्रह्मसायुज्यदायिका ॥ ६० ॥ देशिकानां तु कर्तव्या अङ्गनानां तु पञ्चमी ।
[ संक्षिप्तमध्यमविस्तृतभेदभिन्नासु सामान्यदीक्षासु क्रमात्तस्त्वसंयोजनप्रकारभेदः ] एतासां क्रमशो वक्ष्ये समत्वं तस्वसंग्रहम् ।। ६१ ।। येन विज्ञातमात्रेण दीक्षा सम्यक्प्रवर्तते । संहारक्रमयोगेन मनराशित्रयं च यत् ।। ६२ ।। प्रागुक्तं योजनीयं तत्तृतीये (त्रितयं ? ) बीजसंयुते ( तम् ? ) । तन्मात्र के प्रधाने च ईश्वराख्ये च शुद्धये ॥ ६३ ॥ राशित्रयस्य यो भेदः कथितो नवधा पुरा । अङ्कुशात्सप्तवर्णान्तं तन्मात्रेषु च पञ्चसु ॥ ६४ ॥ अहङ्कारे तथा बुद्धौ प्रकृतौ चेश्वरे च वै । तया संहृतियुक्तया वै गन्धमात्रादितः क्रमात् ।। ६५ ॥ विस्तीर्णायां तृतीयायां यदध्यात्मादिनोदितम् । क्रमः स एव बोद्धव्यः सृष्टिसंहारयोगतः ॥ ६६ ॥ सामान्यत्रितयस्येदं दीक्षायोगस्य लक्षणम् । [ अथ विशेषदीक्षापञ्चकभेदे प्रत्येकं मन्त्रैस्तत्त्वसंयोजनप्रकारभेदः ] पञ्चकस्याधुना विद्धि विशेषाख्यस्य नारद ।। ६७ ।।
For Private and Personal Use Only
| SR No. | 020424 |
| Book Title | Panchratre Jayakhya Samhita |
| Original Sutra Author | N/A |
| Author | Embar Krishnamacharya |
| Publisher | Orental Institute |
| Publication Year | 1967 |
| Total Pages | 588 |
| Language | Sanskrit |
| Classification | Book_Devnagari |
| File Size | 23 MB |