________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
-
अनगारधर्मामृतवर्षिणी टी० श्रु. २ ५. १ अ. १ कालीदेवीवर्णनम् ॥ राईरयणी विज्जू महा, जइणं भंते! समणेणं जाव संपत्तेणं पढमस्स वग्गस्स पंच अज्झयणा पण्णता पढमस्स णं भंते ! अज्झयणस्स समणेणं जाव संपत्तेणं के अहे पण्णत्ते ?, एवं खलु जंबू ! तेणं कालेणं तेणं समएणं रायगिहे णयरे गुणसिलए घेइए सेणिए राया चेल्लणा देवी सामी समोसरिए परिसा णिग्गया जाव परिसा पज्जुवासइ, तेणं कालेणं तेणं समएणं काली नामं देवी चमरचंचाए रायहाणीए कालवळिसगभवणे कालंसि सीहासणंसि चउहिं सामाणियसाहस्सीहिं चउहि महत्तरियाहिं सपरिवाराहि तिहिं परिसाहिं सत्तहिं अणिएहिं सत्तहिं अणियाहिवईहि सोलसहिं आयरक्खदेवसाहस्साहिं अण्णेहि बहएहि य कालवडिंसयभवणवासीहिं असुरकुमारेहिं देवीहि य सद्धिं संपरिवुडा महया हय जाव विहरइ, इमं च णं केवलकप्पं जंबुद्दीवं दीवं विउलेणं ओहिणा आभोएमाणी२ पासइ, तत्थ समणं भगवं महावीरं जंबुद्दीवे दीवे भारहे वासे रायगिहे नगरे गुणसिलए चेइए अहापडिरूवं उग्गहं उग्गिण्हित्ता संजमेण तवसा अप्पाणं भावेमार्ण पासइ पासित्ता हट्टतुटचित्तमाणंदिया पीइमणा जाव हियया सीहासणाओ अब्भुट्टेइ अब्भुद्वित्ता पायपीढाओ पचोरुहइ पच्चोरुहित्ता पाउयाओ ओमुयइ
ओमुइत्ता तित्थगराभिमुहा सत्तटुपयाई अणुगच्छइ अणुगच्छित्ता वामं जाणुं अंचइ अंचित्ता दाहिणं जाणुं धरणियलंसि निहड्ड तिक्खुत्तो मुद्धाणं धरणियलंसि निवेसेइ निवेसिनाईसिं
For Private and Personal Use Only
