________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मेनगारपतिषिगी 2० म० १६ द्रौपदी चरितनिरूपणम् जाव सरीरा तं इच्छामिणं देवाणुप्पिया ! दोवई देवी इहमाणियं, तएणं पुव्वसंगइए देवीए पउमनाभं एवं वयासी - नो खलु देवाणुप्पिया! एवं भूयं वा भव्वं वा भविस्सं वा जपणं दोवई देवी पंचपंडवे मोतूण अन्नेणं पुरिसेणं सद्धिं ओरालाई जाव विहरिस्सइ, तहा वि य णं अहं तव पियट्टतयाए दोवई देविं इहं हव्यमाणेमितिकडे पउमणाभं आपुच्छइ आपुच्छित्ता ताए ऊकिटाए जाव लवणतमुद्दे मज्झमज्झेणं जेणेव हत्थिणाउरे गयरे तेणेव पहारेत्थ गमणाए। तेणं कालेणं तेणं समएणं हत्थिणाउरे जुहिडिल्ले राया दोवईए सद्धिं उपिं आगासतलंसि सुहपसुत्ते याविं होत्था, तएणं से पुव्वसंगइए देवे जेणेव जुहिट्रिले राया जेणेव दोवई देवी तेणेव उवआगच्छइ उवागच्छित्ता दोवईए देवीए ओसोवणियं दलयइ दलित्ता दोवई देवीं गिण्हइ गिणिहत्ता ताए उकिटाए जाव जेणेव अमरकंका जेणेव पउमणाभस्स भवणे तेणेव उवागच्छइ उवागच्छित्ता पउमणाभस्स भवणंसि असोगवणियाए दोवई देवीं ठावेइ ठावित्ता ओसोवणिं अवहरइ अवहारत्ता जेणेव पउमणाभे तेणेव उवागच्छइ उवागच्छित्ता एवं वयासी-एसणं देवाणुप्पिया मए हत्थिणाउराओ दोवई इह हव्वमाणीया तब असोगवाणियाए चिटुइ, अतो परं तुम जाणसित्तिकद्दु जामेव दिसिं पाउन्भूए तामेव दिसिं पडिगए ॥ सू० २५ ॥
For Private and Personal Use Only
