________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
ज्ञाताधर्मकथाङ्गसूत्रे
नामं भारिया, तीसेनं भद्दाए अत्तया दुवे सत्थवाहदारया होत्था, तं जहा - जिणपालिए य जिणरक्खिए य, ततेणं तेसिं मागंदियदारगाणं अन्नया कयाई एगयओ साहियाणं इमेयारूवे मिहो कहासमुल्लावे समुप्पजित्था - एवं खलु अम्हे लवणसमुद्द पोयवहणेणं एक्कारसवारा ओगाढा सव्वत्थ वि य णं लद्धट्ठा कयका अणहसमग्गा पुणरवि निययघरं हव्वमागया तं सेयं खलु अम्हे देवाणुपिया ! दुवालसमंपि लवणसमुद्दं पोतवहपेणं ओगाहित्तए - तिकट्टु अण्णमण्णस्स एयमहं पडिसुर्णेति पडिसुणित्ता जेणेव अम्मापियरो तेणेव उवागच्छइ, उवागच्छित्ता एवं वयासी - एवं खलु अम्हे अम्मयाओ ! एक्कारस वारा तं चैव जाव निययं घरं हव्वमागया, तं इच्छामो णं अम्मयाओ ! तुब्भेहिं अब्भणुष्णाया समाणा दुवालसमं लवसमुद्दे पोयवहणेणं ओगाहित्तए । तरणं ते मागंदियदारए अम्मापियरो एवं वयासी- इमे य ते जाया! अज्जग जाव परिभाएतए तं अणुहोह ताव जाया ! विउले माणुस्सए इड्डी सक्कारसमुदए, किं भे सपच्चवाएणं निरालंबणेणं लवणसमुहोत्तारेणं ?, एवं खलु पुत्ता ! दुवालसमी जत्ता सावसग्गा यावि भवइ, तं माणं तुब्भे दुवे पुत्ता ! दुवालसमंपि लवण० जाव ओगाहेह, माहु तुब्भं सरीरस्स वावती भविस्सइ, तपणं मागंदियदारगा अम्मापियरो दोच्चंपि तचंपि एवं वयासी - एवं खलु अम्हे अम्मयाओ ! एक्कारसवारा लवणं जाव ओगाहित्तए,
For Private And Personal Use Only
