________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अनगारधर्मामृतवर्षिणीटीका अ२ स. ६ भद्रासार्थवाही दोहदवर्णनम् ६०३ गच्छित्ता पोक्खरिणी ओगाहंति, ओगहित्ता पहायाओ कयबलिकम्माओ सव्वालंकारविभूसियाओ विपुलं असणं ४ आसोएमाणीओ जाव परि जेमणीओ दोहलं विणेइ। एवं संपेहेइ संपत्तिा कल्लं जाव जलंते जेणेव धण्णे सत्थवाहे तेणेव उवागच्छइ उवागच्छित्ता धण्णं सत्थवाहं एवं वयासी-एवं खलु देवाणुप्पिया! मम तस्स गम्भस्स जाव विणेइ तं इच्छामि णं देवाणुप्पिया! तुब्भेहिं अब्भगुन्नायासमाणी जाव विहरित्तए, अहा सुहं देवाणुप्पिया! मा पडिबधं करेह, तएणं सा भद्दा सत्थवाही धण्णेणं सत्थवाहेणं अब्भणुन्नाया समाणी हट्टतुट्टा जाव विपुलं असणं ४ जाव व्हाया जाव उल्लपड साडिया जेणेव नागघरए जाव धूवं डहइ, डहिता पणामं करेइ पणामं करित्ता जेणेव पोक्खरिणी तेणेव उवागच्छइ। तएणं ताओ मित्तनाइ जाव नगरमहिलाओ भदं सत्थवाहिं सव्वालंकारविभूसियं करेति, तएणं सा भदा सत्थवाही ताहि मित्तनाइ नियगसयणसं. बंधिपरिजणणगरमहिलाहिं सद्धिं तं विपुलं असणं ४ जाव परिभुंजमाणी य दोहलं विणेइ विणेइत्ता जामेव दिसिं पाउन्भया तामेव दिसिं पडिगया। तएणं सा भद्दा सत्थवाही संपुन्नडोहला जाव तं गभं सुहं सुहेणं परिवहइ, तएणं सा भद्दा सत्थवाही णवण्हं मासाणं बहुपडिपुन्नाणं अट्ठमाण राइं दियाणंसुकुमालपाणिपायं जाव दारगं पयाया, तएणं तस्स दारगस्त अम्मापियरो पढमे दिवसे जायकम्मं करेंति करित्तो तहेव जाव विपुल असणं ४ उवक्खडावेंति उववडावितां तहेव मिलनाइनिजकसयणसंबंधिपरिजणे भोयावेइ
For Private and Personal Use Only
